Ishki ister mınıstrliginiń ókilderi Qazaqstan qalalaryndaǵy mıtıngilerge qatysty pikir bildirdi. Bul týraly vedomstvonyń baspasóz qyzmeti habarlady.
"1 mamyrda Nur-Sultan, Almaty, Semeı, Qaraǵandy jáne Aqtóbe qalalarynda Bas prokýratýranyń resmı habarlamasyna qaramastan, sankııalanbaǵan mıtıngiler men turǵyndar jınaldy. Akııaǵa qatysýshylarǵa ózderiniń ustanymdary men áleýmettik jáne basqa da problemalyq máseleler boıynsha pikirlerin erkin jáne ashyq bildirýge múmkindik berildi", - delingen IIM habarlamasynda.
"Alaıda Nur-Sultan jáne Almaty qalalarynda jınalǵandardyń ishinen birqatar adam ózderin agressııalyq túrde ustap, tyıym salynǵan "DVK" ekstremıstik uıymynyń urandaryn aıqaılap aıtyp, qoǵamdyq tártipti buzdy. Osyǵan baılanysty ákimdikter men prokýratýra ókilderi beıbit mıtıngiler, jınalystar men sherýler ótkizý tártibi týraly zańnamanyń erejelerin túsindirdi. Jekelegen azamattar zańsyz áreketterdi toqtatý týraly talaptarǵa baǵynbady. Sodan keıin polıııa kúshimen qoǵamdyq tártipti qalpyna keltirýge jáne tártip buzýshylardy ustaý sharalary qabyldandy".
IIM málimetinshe, elordada jáne Almatyda polıııa bólimderine 80 adam jetkizildi.
"Olardyń áreketterine zańda belgilengen tártippen quqyqtyq baǵa beriledi. Ishki ister mınıstrligi azamattarǵa arandatýshylyqqa berilmeýge jáne Qazaqstan Respýblıkasynyń zańnama talaptaryn saqtaýǵa shaqyrady", - delingen habarlamada.
