Lenin eskertkışın jöndeuge aqşa bölgen Şyǧys Qazaqstan oblysy Altai audanynyŋ äkımı Ernar Mūstafin öz erkımen qyzmetın bosatty. Būl turaly ol özıŋıŋ Facebook paraqşasynda jazdy, dep habarlaidy “Adyrna” ūlttyq portaly.
Ol 2022 jyldyŋ qyrküiek aiynda Altai audanynyŋ äkımı bolyp taǧaiyndalǧan bolatyn. Osy lauazymda bır jylǧa juyq qyzmet etken ol öz erkımen jūmystan şyǧuǧa ötınış bergen.“Altai audanynyŋ äkımı lauazymyndaǧy qyzmetımdı aiaqtap jatyrmyn. Men tez jäne keide erekşe şeşımder tabuǧa tyrystym jäne ärqaşan sızderdıŋ qoldaularyŋyzdy sezındım. Audanda jinalyp qalǧan mäselelerdıŋ bırazy şeşıldı, basqalaryna bıraz uaqyt kerek. Ardagerler keŋesıne, aqsaqaldarǧa, deputattarǧa, būqaralyq aqparat qūraldarynyŋ ökılderıne, käsıpkerlerge, ärıptesterge, barşa tūrǧyndarǧa qoldau bıldırıp, tüsınıstık tanytyp, yqylas tanytqany üşın yqylasymdy bıldıremın jäne erekşe alǧys aitamyn. Jalpy, maǧan tamaşa adamdarmen, ärıptestermen jūmys ısteu baqyty būiyrdy. Audan tūrǧyndarynyŋ igılıgı üşın ideialar men jobalardy jüzege asyrudy jalǧastyrularyŋyzǧa şyn jürekten tılektespın. Altai audanynda jūmys ıstegen kezeŋnen jyly estelıkter qalady. Barşaŋyzǧa zor densaulyq, amandyq, sättılık jäne audannyŋ odan ärı örkendeuın tıleimın”, dep jazdy Ernar Mūstafin.
Şyǧys Qazaqstan oblysy äkımı apparatynyŋ basşysy Erbol Nūrǧalievtyŋ aituynşa, aimaq basşysy Ermek Köşerbaev būl ötınışke qol qoidy. Endı onyŋ ornyna Altai audany äkımınıŋ mındetın Renat Qūrmambaev atqarady.
