Äleumettık jelıde “dombyra - haram” degen belgısız qyzdyŋ beinejazbasy belıgılı aitysker Aişolpan Tıleutai pıkır bıldırdı. Būl turaly ol özınıŋ Instagram paraqşasynda jszby, dep habarlaidy “Adyrna” ūlttyq portaly.
Aitysker aqyn ūlttyq aspapqa qatysty aitylǧan sözderge bei-jai qarai almaitynyn aitty.
“Babalarymyzdyŋ qanşa ǧasyr boiy jinaǧan qūndylyqtaryn bır sätte joqqa būl şyǧaratyn qandai dın?Tüsınbedım. Aqyretke imanymyzben ötemız. Ūltymyzben ötpeimız deidı. Myna qyzdyŋ basy äbden ainalyp, qiial älemıne ūşyp ketıptı. Alla ne üşın bızdı är türlı ūlt etıp jaratty? Qazaqtan bala tuylǧanda türı de, sarqyrap aqqan qany da, ata- babasynan berılgen genı de, qazaq dep tūrmaidy ma? Būl aqiqattan sen bas tarta almaisyŋ.
Al, dınge kelsek Qūrannyŋ qai jerınde dombyra haram dep jazypty? Qandai dälelmen söilep otyr būl qyz? Ǧalymdardyŋ aituynşa qūranda 6236 aiat bolsa, sonyŋ 550 aiatynyŋ syryn ǧalymdar aşypty. Onyŋ bır ǧana negızı bar. Sen Qūdai aldyna barǧanda jürektıŋ tazalyǧyn ǧana sūraidy. Dombyra esırgen adamdy jönge salsa, jürekke tynyştyq pen meiırım syilasa, jürek tazalyǧy men emıne qūral bolsa, būnyŋ nesı haram?”, – dep jazdy Aişolpan Tıleutai.
Sondai-aq, ol videodaǧy qyz eş negızsız ükım aityp otyrǧanyn jazdy.
“Özderıŋız bılesızder dıni sauatty uaǧyzşylardyŋ arnaiy rūqsat qaǧazy bolu maŋyzdy. Būl qaǧaz üşın adamdar qanşa jyl üzdıksız bılım alady nenıŋ aq, nenıŋ qara ekenın tanyǧan sauatty, bılımdı, adamdar ǧana alady. Dombyra ol jäi ǧana muzykalyq aspap emes,ol bızdıŋ mädenietımızdıŋ ajyramas bölıgı. Dombyra qazaqtyŋ jüregı!
Dını bar da, ūlty joq,
Saqaly bar da, mūrty joq.
Teke saqal, qyrma mūrt,
Eldıŋ tübıne sol jeter...”, – dep oiyn Mäşhür Jüsıp Köpeiūlynyŋ sözımen aiaqtady.
Odan bölek, jelıde otyryp ükım şyǧaratyn adamdardyŋ jauapqa tartyluyn sūrady.
“Myna qyz sekıldı ärkım kelıp, ne bılımı, ne ömırde körgenı joq özge aǧymdaǧy azǧygdauşy adamdardyŋ sözın jattap alyp, halyqqa ötırıktı şyndai aitatyn adamdarǧa memlekettıŋ qūzyrly organdary nege jaza qoldanbai otyr. Keiıngı kezde janymyzdyŋ bır bölşegı, dombyramyzǧa jan-jaqtan şabuyldar köbeidı. Dombyra – qazaqtyŋ jany, ruhy, tarihy. Qazaqtyŋ ruhyn alu üşın bırınşı dombyrasyn alu kerek. Al bız ruhymyzdy, ūltymyzdy, dombyramyzdy eşkımge bermeimız, taptatpaimyz”, – deidı aitysker.
