Atbasar türmesındegı azaptau videosy taratylǧannan keiın koloniianyŋ segız qyzmetkerı men bastyǧy jūmystan bosatylyp, qylmystyq ıs qozǧaldy, dep habarlaidy "Adyrna" ūlttyq portaly. Būl turaly qūqyq qorǧauşy Elena Semenova mälımdedı.
«Bügın bız Bauyrjan Musinmen bırge künı boiy qazırgı belgılı Atbasar koloniiasynda boldyq. Sottalǧandarmen, sonyŋ ışınde äleumettık jelıde beinetaspaǧa tüsırılgendermen söilestık. (...) Bügın mekeme basşysyn qosa alǧanda, toǧyz qyzmetkerdı jūmystan bosatu turaly būiryq şyǧaryldy, ekı qyzmetker älı de eŋbek demalysynda, sonymen qatar qyzmetkerlerge qatysty qylmystyq ıster qozǧaldy», - dedı Semenova särsenbı künı.
3 qyrküiekte Aqmola oblysyndaǧy Atbasarda koloniia qyzmetkerlerı äjethana juudan bas tartqan belsendı Timur Dänebaevty ūryp-soǧyp, qinaǧan videosy tarady. Videoda koloniia qyzmetkerı küş qoldanuǧa arnaiy qūral qoldanuǧa būiryq beredı. Onda Dänebaevty jerge jatqyzyp, qol-aiaǧyn ūstap, dubinkamen ūrǧany körınedı.
Būl videony "BASE" telegram-arnasy jariialady. Videodaǧy aqparatqa qaraǧanda, video 24 tamyzda Aqmola oblysy Atbasar qalasyndaǧy koloniiada tüsırılgen. Olardy arnaǧa mekeme äkımşılıgınıŋ qyzmetkerı jıbergen.
Bilık "qyzmet ökıletın asyra paidalanu" faktısı boiynşa tekseru bastaǧanyn mälımdedı. Bıraq tūtqynnyŋ hal-jaǧdaiy qalai ekenın aitpady.
38 jastaǧy Timur Dänebaev 2022 jyly Qazaqstan prezidentı Qasym-Jomart Toqaevty Qaŋtar oqiǧasy kezınde "elımızge 20 myŋ terrorist şabuyl jasady" degen sözı üşın jauapqa tartuǧa talpynǧan azamattyq belsendı retınde tanylǧan.
Biyl 15 mausymda Astana soty Timur Dänebaevty "Ūltaralyq arazdyq qozdyrdy" (174-baptyŋ 1-bölıgı) dep aiyptap, üş jylǧa bostandyǧynan aiyrǧan. 1 tamyzda apelliasiia soty ükımdı küşınde qaldyrdy. Belsendınıŋ advokaty Läzzat Temırjanova prosestı jürgızu tärtıbı būzylǧany turaly keltırgen uäjderın sot qabyldamai tastaǧanyn aitqan edı.
Ūqsas jaŋalyqtar
