Körnektı jazuşy, jurnalist Kemel Toqaevtyŋ ömırı men şyǧarmaşylyǧyna arnalǧan «ZAMANDAS SYRY» atty respublikalyq respublikalyq studentter, magistranttar, PhD-doktoranttar arasynda baiqau jariialandy.
Baiqau erejesı tömendegıdei:
1. Jalpy erejeler
1.1 «ZAMANDAS SYRY» respublikalyq şyǧarmaşylyq baiqauy körnektı jazuşy, jurnalist Kemel Toqaevtyŋ tuǧanyna 100 jyl toluyna orai ömırı men şyǧarmaşylyǧyna arnalǧan «Zamandas syry» atty studentter, magistranttar, PhD-doktoranttar men jas ǧalymdar arasynda ötedı.
1.2. Atalmyş Ereje Baiqaudy ötkızu maqsaty, mındetterın jäne erejesın aiqyndaidy.
1.3. Baiqaudyŋ maqsaty: qūqyqtyq, etikalyq taqyryptardaǧy jurnalistık zertteulerdı, detektiv janryna arnalǧan ǧylymi men şyǧarmaşylyq jūmystardy nasihattau jäne jariialau.
2. Baiqaudy ötkızu tärtıbı
2.1 Baiqau tömendegı nominasiialar boiynşa ötedı:
1. Detektiv janryndaǧy jurnalistık zertteu;
2. Jazuşynyŋ ädebi mūrasyna arnalǧan ǧylymi-zertteu jūmysy;
3. Qūqyqtyq / etikalyq taqyrypta jariialanǧan reportaj
2.2 Baiqauǧa qatysuşylarǧa qoiylatyn talaptar:
qatysuşynyŋ jasy 29-dan aspau tiıs;
baiqauǧa eş jerde jariialanbaǧan jūmystar qabyldanady;
bır avtor bır nominasiiaǧa bır ret qana ötınım bere alady;
Baiqauǧa qazaq, orys nemese aǧylşyn tılındegı jūmystar qabyldanady;
Baiqauǧa jurnalistikanyŋ etikalyq normalary men avtorlyq qūqyqtaryn būzatyn tuyndylar jıberılmeidı;
Baiqau talaptaryna sai qabyldanǧan jūmystar resenziialanbaidy jäne avtorǧa qaitarylmaidy;
Dedlain ötkennen soŋ kelıp tüsken ötınımder Baiqauǧa qatystyrylmaidy;
qatysuşy şyǧarmasymen bırge özı turaly şaǧyn aqparat (0,5 betten aspauy kerek) jäne sapaly suretın qosa jıberuı tiıs;
Baiqau jūmystary A-4 formatTA, TimesNewRoman qarpımen, 14 mölşerde, 1.0 aralyqta terılıp, Word formatta saqtaluy kerek;
3. Baiqauǧa materialdardy ūsynu erejesı:
3.1. Bbaiqau jūmystary zamandas.syry@gmail.com elektrondyq poştasy arqyly qabyldanady.
3.2. Baiqau jūmysynyŋ elektrondy nūsqasy (avtor turaly dereksız) bölek failmen jıberıluı tiıs;
3.3. Alǧaşqy bettıŋ joǧary jaǧyna avtordyŋ bürkenşık esımı jazylady. Fail atauynda avtordyŋ bürkenşık esımı jäne şyǧarmanyŋ nominasiiasy körsetıledı. Mysaly: zamandas.syry-jurnalistık zertteu, zamandas.syry- ğylymi jūmys, zamandas.syry-reportaj;
3.4. Avtor turaly mälımet: aty-jönı, meken jaiy, oqu / jūmys orny, telefon nömırı, elektrondy poştasy, fotosuretı, avtor turaly qysqaşa aqparat. Failda avtordyŋ bürkenşık esımı jäne aty-jönı ataluy tiıs. Mysaly: zamandas Dastan Qazybek dep saqtaluy tiıs;
3.5. Baiqau jūmystaryn qabyldau 2023 jylǧy «29» tamyz künı saǧat 8:00-den bastalyp, 2023 jyldyŋ «29» qyrküiek küngı saǧat 8.00-ge deiın jürgızıledı.
4. Jeŋımpazdardy anyqtau tärtıbı
4.1. Ūiymdastyruşylar 3.5 pukntte atalǧan uaqyttan bastap ötınımderdı ırıkteidı.
4.2. Irıkteuden ötken ötınımder aşyqtyq qaǧidasyna säikes Telegram platformasyndaǧy «Zamandas syry baiqauy» kanalynda (https://t.me/zamandassyry) jariialanady. Jelı qoldanuşylary jariialanǧan materialdarmen tanysyp, öz pıkırın qaldyra alady.
4.3. Jeŋımpazdardy anyqtau jäne syilyqtardy beru baiqau komissiiasynyŋ şeşımımen jüzege asyrylady.
4.4. Baiqau komissiiasynyŋ qūramyna Qazaqstan Jurnalister Odaǧy jäne Jazuşylar odaǧynyŋ ökılderı, qalamgerler, qoǧam qairatkerlerı kıredı.
4.5. Baiqau qorytyndysy şyqqanǧa deiın jariialanbaidy.
4.6. Baiqau komissiiasy Baiqau turaly habarlandyru respublikalyq saittarda, äleumettık jelılerde jäne BAQ jariialanǧan sätten bastap tüsken jūmystardy kezegımen qarai beredı.
4.7. Baiqau komissiiasy Telegram qosymşasyndaǧy qoldanuşylar pıkırın eskere otyryp, aşyq dauys beru arqyly jeŋımpazdardy anyqtaidy.
4.8. Konkurs jūmystaryn baǧalau kezınde baiqau komissiiasy kelesı kriteriilerdı basşylyqqa alady: taqyryptyŋ aşyluy; tıl tazalyǧy; logikalyq üilesım; oi tereŋdıgı; şyǧarmaşylyq ızdenıs; aşyq derekter bazasyn qoldanu, mūraǧattyq aqparattardyŋ şynaiylyǧy.
4.9. Baiqau talaptaryna säikes emes jūmystardy baiqau komissiiasy qarausyz qaldyruǧa qūqyly.
4.10. Jeŋımpazdardy anyqtau baiqau komissiiasy müşelerınıŋ aşyq dauys beru arqyly jalpy sanynyŋ köpşılık dauysymen qabyldanady;
4.11. Baiqau komissiiasynyŋ şeşımı tüpkılıktı bolyp tabylady jäne qaita qarauǧa jatpaidy.
5. Baiqaudy qorytyndylau
5.1. Äl-Farabi atyndaǧy Qazaq ūlttyq universitetı Jurnalistika fakultetı jeŋımpazdarǧa arnaiy jüldeler qarastyrady.
5.2. Är nominasiia boiynşa kelesı jüldelı oryndar taǧaiyndalady:
(studentter, magistranttar, PhD doktoranttar arasynda):
1-oryn – 1 jeŋımpaz.
2-oryn – 1 jeŋımpaz.
3-oryn – 1 jeŋımpaz.
Yntalandyru syilyǧy – 1 jeŋımpaz.
Ūqsas jaŋalyqtar
