Qazaqstanda AQŞ sauda ministrlıgınıŋ önerkäsıp jäne qauıpsızdık biurosynyŋ saity būǧattaldy. Mädeniet jäne aqparat ministrlıgınıŋ mälımetınşe, fişingpen küres aiasynda būǧattalǧan, dep habarlaidy “Adyrna” ūlttyq portaly.
Sait bırneşe künnen berı jūmys ıstemei tūr.
Aita ketsek, būǧan deiın sait AQŞ Armeniia, Qyrǧyzstan, Resei jäne Belarus elderındegı eluden astam kompaniiaǧa şekteu qoiǧany turaly aqparat jariialaǧan bolatyn. Ony basqa aqparat qūraldary köşırdı. Amerika bilıgınıŋ aituynşa, tızımge engen kompaniialar Reseidıŋ «äskeri-qorǧanys keşenıne qoldau körsetkender». Bıraz uaqyttan keiın Qazaqstanǧa AQŞ qazynaşylyq hatşysynyŋ kömekşısı Elizabet Rozenberg, sauda ministrınıŋ kömekşısı Mettiu Akselrod jäne Ūlybritaniianyŋ sanksiialar biurosynyŋ direktory Devid Ridtıŋ kelgenı turaly aqparat jariialandy.
25 säuırde olar Astanada kezdesu ötkızdı. Ūlybritaniia men AQŞ retteuşılerı Qazaqstandy Reseige sanksiialanǧan tauarlardy jetkızuden saqtandyrǧysy keldı. Äitpese, keibır qazaqstandyq bankter men kompaniialarǧa sanksiia saluǧa uäde berıldı.
Kezdesude AQŞ şeneunıkterı Qazaqstannan Reseige tauarlardyŋ (tūrmystyq tehnika men avtokölıkterdıŋ) qatarlas eksporty turaly būrynnan bıletının aşyq aitty.
Ministrlıktıŋ habarlauynşa, respublikanyŋ aqparattyq alaŋyna tūraqty türde monitoring jürgızıledı. Osy jūmys şeŋberınde fişingtık internet-resurstar anyqtalyp, olarǧa qatysty "Bailanys turaly" zaŋnyŋ 41-1-babynda belgılengen tärtıppen qol jetkızudı şekteu şaralary jüzege asyrylady.
26 säuırde 21 fişingtık resurs, sonyŋ ışınde bis.doc.gov saity boiynşa qoljetımdılıktı şekteu turaly tiıstı eskertu daiyndalyp, oryndauǧa joldanǧan.
Būqaralyq aqparat qūraldary men äleumettık jelılerdegı Qazaqstannyŋ Reseige sanksiialardy ainalyp ötuge kömekteskenı saittyŋ būǧattaluyna sebep boldy degen mälımdemeler şyndyqqa säikes kelmeidı, - dep jazylǧan habarlamada.
Ministrlıktegıler basqa memlekettık organdarmen bırlesıp bis.doc.gov internet-resursynyŋ qyzmetındegı zaŋbūzuşylyqtarǧa qosymşa tekseru jürgızudı josparlap otyrǧanyn mälımdedı.
Eger zaŋbūzuşylyqtar bolmaǧan jaǧdaida körsetılgen internet-resursty būǧattaudy joiu boiynşa şaralar qabyldanuy mümkın, - dep mälımdedı vedomstvo.
