Álemdegi ekologııalyq problemalar ýshyǵyp turǵan shaqta KHDR Sary teńizge qaraı birneshe qanatty zymyran ushyryp álek, dep habarlady "Adyrna" ulttyq portaly.
Eki kún buryn Soltústik Koreıa Ońtústik Koreıaǵa ses kórsetip, zymyran ushyrdy. Bul qadamyn Ońtústiktegi káristerdiń AQSh-pen birlesken áskerı jattyǵýyna jaýap retinde sıpattady.
Ońtústik Koreıa áskeriniń málimeti boıynsha, zymyrandar jergilikti ýaqyt boıynsha senbi kúni, tańǵy saǵat 4.00 shamasynda ushqan. Qazir Seýl bıligi AQSh-pen birlese otyryp Soltústik Koreıa zymyrandaryn zerttep, ushqan bólshekterdi taldap jatyr.
Naqtyraq aıta keteıik, 31 tamyzda KHDR bıligi Ońtústik Koreıanyń áreketi "kóńilge jaqpaǵanyn" habarlady. Olar barlyq ıadrolyq oqtumsyqtardy Ońtústiktegi káristerdiń tutas aımaǵyn joıyp jiberýge baǵyttaǵandaryn jetkizdi.
Phenıan bıligi muny Ońtústik Koreıa men AQSh armııalarynyń strategııalyq B-1B bombalaýshylary qatysqan áskerı jattyǵýlaryna qarsy áreket dep kórsetti. 11 kúnge sozylǵan jıyndy "AQSh-tyń ıadrolyq shabýyl jasaý josparyna teń" dep baǵalady.
Sonymen qatar, Soltústik Koreıa bir apta buryn óziniń tyńshy-spýtnıgin ǵaryshqa shyǵarýǵa ekinshi ret oqtaldy. Degenmen ekinshi ushyrylym da birinshisi sekildi sátsiz boldy.
"Adyrna" ulttyq portaly
