Qasym-Jomart Toqaev IT qyzmetterınıŋ kölemın arttyrudy tapsyrdy. Būl turaly ol Parlament palatalarynyŋ bırlesken otyrysyndaǧy joldauynda aitty, dep habarlaidy “Adyrna” tılşısı.
Prezident sifrlandyru jäne innovasiialardy engızu mäselelerıne köŋıl böluge şaqyrdy.
Strategiialyq basty mındet – Qazaqstandy IT-elge ainaldyru. Bızde sifrlandyru salasyndaǧy jetıstıkterı bar, elektrondyq ükımet pen fintehtı damytu indeksı boiynşa älemdık köşbasşylar qataryndamyz, – dedı Toqaev.
Aituynşa, Otandyq IT-salanyŋ eksport kölemı ötken jyly ǧana bes esege östı. Jyldyŋ soŋyna deiın būl körsetkış 500 million dollarǧa jetuı mümkın.
Sondai-aq, ol Ükımetke 2026 jylǧa qarai IT qyzmetterınıŋ eksportyn bır milliard dollarǧa jetkızudı talap ettı. Būǧan ırı şeteldık IT-kompaniialarmen bırlesken käsıporyndar aşu järdemdesedı.
