Sáýirdiń 26-sy kúni Almaty qalasynda ótken Jalpyulttyq soıal-demokratııalyq partııasynyń 14-sezinde negizinen partııanyń aldaǵy prezıdent saılaýyna qatysý-qatyspaý máselesi qaraldy. Partııanyń saıası keńesi jýrnalıst Ermurat Bapıdy saılaýǵa úmitker retinde usynǵanmen delegattardyń basym bóligi saılaýǵa qatyspaı, boıkot jarııalaýdy qoldady. Quryltaı sońynda partııa jetekshisi bolyp Ermurat Bapı saılandy.
Shamamen bir jarym saǵatqa sozylǵan Almatydaǵy JSDP sezinde partııa ókilderi maýsym aıyna belgilengen prezıdent saılaýyna qatyspaı, boıkot jarııalaý týraly sheshim qabyldady. Bıliktiń elde ashyq saılaý ótkizýge múmkindik qaldyrmaı otyrǵanyn aıtqan delegattar prezıdent saılaýynan góri parlament saılaýynyń mańyzdy ekenin atap ótti.
Tikeleı efır: JSDP sezi (26.04.2019).
PARTIIa REZOLIýIIaSY
26 sáýir kúngi partııa rezolıýııasynda qujat avtorlary aldaǵy prezıdent saılaýynyń burynǵy saılaýlardan esh aıyrmasy bolmaıtynyn, bul joly da bılik ákimshilik resýrstardy meılinshe qoldanyp, saılaý zańnamasyn buzady dep boljaǵan.
Eldegi saıası keńistiktiń oppozıııadan tazartylǵanyn atap ótken partııa ókilderi bıliktiń bul joly da saılaýdy qysqa ýaqyt aralyǵyna belgilep, qarsylastarynyń saılaýǵa qatysýyna esh múmkindik qaldyrmaǵanyn jazǵan.
"Saılaý proesin jedeldetý - qazirgi bıliktiń óz ókiletin uzartý formasyna aınalyp ketti, oppozıııa úmitkeriniń óte qysqa ýaqyt aralyǵynda saılaýǵa daıyndalý múmkindigi onsyz da az edi" delingen partııa rezolıýııasynda.
Partııa 2011, 2015 jyldardaǵy prezıdent saılaýynan dál osy sebeppen qatysýdan bas tartyp ótkenin jazyp: "JSDP mundaı saılaýǵa qatysýdy maǵynasyz dep sanaıdy, bul farsty zańdastyrǵysy kelmeıdi jáne úmitker usynýdan bas tartady" degen.
QURYLTAI QALAI ÓTTI?
Qazaqstannyń saıası keńistiginde ózin bılikke oppozıııalyq kúsh retinde kórsetetin Jalpyulttyq soıal-demokratııalyq partııasynyń 26 sáýir kúngi Almatyda ótken quryltaıyna túrli aımaqtan 38 partııa delegaty jınaldy.
Quryltaı aldynda partııa tóraǵasy Jarmahan Tuıaqbaı ótken aptada saıası keńestiń «Dat» gazetter jobasynyń jetekshisi, jýrnalıst Ermurat Bapıdy saılaýǵa qatysatyn úmitker retinde usynǵanyn aıtyp, delegattardan pikir aıtýyn surady.
"Eger ádil saılaý ótkende Ermurat Bapı kóp daýys alýshy edi" degen partııa ókilderi maýsym aıyna belgilengen prezıdent saılaýyna qatyspaı, belsendi túrde boıkot jarııalaý qajettigin aıtty.
Ashat Raqymjan, Tazabek Sámbetbaı sııaqty partııa ókilderi elde ádil saılaý ótkizýdiń múmkin emestigin aıtyp, bar kúsh pen jigerdi osy jyldyń aıaǵynda nemese kelesi jyldyń basynda bolatyn sheshýshi parlament saılaýyna jumsaý kerektigin, soǵan daıyndalý qajettigin aıtty. Ýkraınadaǵydaı ashyq saılaýǵa "qyzyǵa da, qyzǵana da qaraýǵa" bolatynyn aıtqan JSDP-nyń keıbir músheleri elde saıası básekelestiktiń joqtyǵyna ókinish bildirdi.
Jıyn sońyna taman "buryn bir ǵana qýyrshaq bolsa, qazir bári qýyrshaq" degen jýrnalıst Ermurat Bapı sezd pikirin eskere otyryp, kandıdatýrasyn alyp tastaıtynyn jetkizdi.
Partııanyń birneshe ókili "boıkot jarııalaýdan esh paıda joq, odan da saılaýaldy naýqandy qoldanyp, partııanyń tanymaldyǵyn arttyryp, tájirıbe jınaý kerektigin" aıtqanmen basym bóligi boıkotty qoldady.
Jıyn sońynda delegattar partııa tóraǵalyǵyna Ermurat Bapıdy saılaý máselesin qarap, daýys berdi. Úsh ret daýys berýden keıin partııa basshysy retinde Ermurat Bapı saılandy.
Qazaqstanda kezekten tys prezıdent saılaýy 9 maýsymǵa belgilengen.
Buǵan deıin "Birlik" partııasy saılaýǵa qatyspaıtynyn málimdegen. Jalpyulttyq soıal-demokratııalyq partııasy - Qazaqstanda resmı tirkelgen jalǵyz oppozıııalyq partııa.
Sáýir aıynyń ortasynda ortalyq saılaý komıssııasy Qazaqstanda tirkelgen jeti partııa bar ekenin, alaıda is júzinde alty partııanyń belsendi jumys isteıtinin aıtqan. Bular: "Aq jol", "Aýyl", "Birlik", Qazaqstannyń halyqtyq kommýnıstik partııasy, "Nur Otan" jáne JSDP (Jalpyulttyq soıal-demokratııalyq partııasy). OSK "Azat" partııasynyń habarsyz ketkenin, birde-bir sharaǵa qatyspaıtynyn aıtqan.
Qazirge deıin saıası partııalar men qoǵamdyq birlestikterden usynylǵan kandıdattar:
- Sádibek Túgel - "Uly dala qyrandary" respýblıkalyq qozǵalysy (til emtıhanynan ótti);
- Qasym-Jomart Toqaev - "Nur Otan" partııasy (til emtıhanynan ótti);
- Amangeldi Taspıhov - Qazaqstan kásipodaqtar federaııasy (OSK-ǵa qujattaryn tapsyrdy);
- Danııa Espaeva - "Aq jol" partııasy;
- Tóleýtaı Raqymbekov – “Aýyl” partııasy;
- Jambyl Ahmetbekov - "Qazaqstannyń halyqtyq kommýnıstik partııasy"
"Azattyq" radıosy
