Almatyda "Jańa Qazaqstan forýmy" qoǵamdyq uıymy arnaıy baspasóz máslıhatyn ótkizip, prezıdent saılaýyna "Ult taǵdyry" qozǵalysy atynan óz úmitkeri retinde belgili saıasatker Ámirjan Qosanovty usynatynyn málimdedi
"Ult taǵdyry" qoǵamdyq qozǵalysy Qazaqstan prezıdenttigine Ámirjan Qosanovtyń kandıdatýrasyn usyndy , dep habarlaıdy Sputnik Qazaqstan
Osyǵan deıin Ámirjan Qosanov Qazaqstandaǵy oppozıııalyq partııalar basyn qosyp, aldaǵy saılaýǵa óz kandıdatýrasyn usynsa, ony qoldap, qosshy bolýǵa daıyn ekenin málim etkenin aıtady.
"Alaıda, ókinishke qaraı, olar aýyzbirshilik tanyta almady. Sondyqtan aldaǵy saılaýǵa ulshyldar óz úmitkerin usyný týraly sheshim qabyldap, meni tańdady. Bul úmitti aqtaýǵa tyrysamyn", - dedi Qosanov baspasóz máslıhatynda.
Ámirjan Qosanov 1964 jyly Qyzylorda oblysy Sapaq aýylynda dúnıege kelgen. Belgili saıasatker. Negizgi mamandyǵy jýrnalıst. 1994-1997 jyldary Ákejan Qajygeldın basqarǵan úkimettiń baspasóz hatshysy boldy. 1998 jyly Qajygeldın basqarǵan Qazaqstan Halyq partııasy tóraǵasynyń orynbasary, 2005 jyly Jalpyulttyq soıal-demokratııalyq partııasy tóraǵasynyń orynbasary qyzmetin atqardy.
2009 jyly JSDP men Azat partııalary qosyldy. Ol osy birigýge at salysyp, partııa basshylyǵynda bolǵan tulǵanyń biri. Degenmen 2013 jyly partııa ishinde iritki bolyp, ol laýazymdy qyzmetinen bosady.
Al byltyr mamyr aıynda "Jańa Qazaqstan forýmy" qoǵamdyq uıymy quryldy. Oǵan "Ult taǵdyry", "Altynbek Sársenbaıuly qory", "Bolashaq" jastar qozǵalysy tárizdi birneshe qoǵamdyq uıym endi. Ámirjan Qosanov ta búginderi osy forýmnyń múshesi. Osylaısha oppozıııalyq uıymdardan kóńili qalǵan saıasatker sońǵy kezderi ultshyldar qataryna kelip qosylǵan.
Qazaqstan prezıdenttigine úmitkerler
Prezıdent saılaýyna Qazaqstandaǵy tórt partııa óz kandıdatyn usyndy. "Nur Otan" partııasynan Qasym-Jomart Toqaev, "Aq jol" partııasynan Danııa Espaeva, "Aýyl" partııasynan Tóleýtaı Raqymbekov, Qazaqstan kommýnıstik halyq partııasynan Jambyl Ahmetbekov baǵyn synap kórmek.
Budan bólek, QR Kásipodaqtar federaııasy atynan eks-depýtat, Batys Qazaqstan oblystyq aýmaqtyq kásipodaqtar birlestiginiń tóraǵasy Amangeldi Taspıhov prezıdenttikke talasady, al "Uly Dala qyrandary" respýblıkalyq qozǵalysy jazýshy, jýrnalıst Sádibek Túgeldiń kandıdatýrasyn birinshi bolyp usynǵan edi.
