Bıyl aýyldaǵy oqýshylarǵa qoldaý kórsetý maqsatynda «Dauletten» qaıyrymdylyq qory «Aýyldaǵy aǵaıynnyń balalaryna» ataýymen erekshe qaıyrymdylyq jobasyn júzege asyrýda.
Jańa oqý jylyna balalardyń mektepke daıyndyǵy ata-analardyń qaltasyna aýyr keletini sózsiz. Ásirese alystaǵy aýyldarda turatyn ata-analar úshin bul qıynnyń qıyny. Shalǵaı aýylda tursa da, oqýshylar bilim alýy úshin qajetti zattarmen qamtamasyz etilýi tıis.
«Aýyldaǵy aǵaıynnyń balalaryna» qaıyrymdylyq jobasynyń maqsaty – alys aýyldarda turatyn oqýshylardy mektepke qajetti oqý quraldarymen qamtamasyz etý. Qaıyrymdylyq kerýeni Qazaqstannyń barlyq óńirlerin aralaýda. Respýblıka boıynsha kemi 1000 aýyldyq oqýshy kómek alady. Ár oqýshyǵa sómke jáne oqýǵa qajetti oqý quraldary jınaqtalǵan. Kómek alýshy oqýshylar tizimi jergilikti obylstyq bilim basqarmalarymen jınaqtaldy.
«Bizdiń qaıyrymdylyq kerýenimiz Mańǵystaý oblysynan bastaý aldy. Búgingi kúnge deıin Mańǵystaý, Qostanaı, Túrkistan, Soltústik Qazaqstan oblystaryna kómekter taratyldy. Aıdyń aıaǵyna deıin qalǵan óńirlerdi aralap, aýyl oqýshylarynyń qolyna tabystaıtyn bolamyz. Qaıyrmydylyq jobasy qaıyrymdy halyqtyń kómegimen júzege asýda. Qol ushyn sozǵan árbir janǵa alǵys aıtamyz. Kómek beremin deıtin jandar bolsa «Dauletten» qorynyń resmı shotyna qarajat aýdara alady.» - deıdi qor Prezıdenti Jasulan Bostandyquly.
Eske sala keteıik, qor muqtaj jandarǵa baspana alyp berýmen jáne bilimdi jastardy qoldaýmen aınalysady. Qor byltyr oqýshylardyń mektepke daıyndyǵy úshin «Zeıindi 1000 bala» ataýymen el boıynsha 1000 balaǵa 30 000 000 teńge kóleminde qarjylaı qoldaý kórsetken. Oqýshylardy mektepke daıyndaýdy qor jyl saıyn dástúrge aınaldyrýda.
"Adyrna" ulttyq portaly
