Azamattyq forum: kün tärtıbınde - jastar saiasaty

Bügın Şymkentte «Uaqyt synaqtary jäne özgerısterdegı jastardyŋ rölı. Eldık jäne halyqaralyq jastar saiasaty» taqyrybynda öŋırlık forum ötude. Forumǧa QR Aqparat jäne qoǧamdyq damu ministrı D.Q.Qydyrälı, qala äkımı M. Äitenov arnaiy qatysyp, azamattyq qoǧam belsendılerınıŋ dialog alaŋyn aşyp berdı. Azamattyq qoǧamdy damytu men qalyptastyru memlekettık saiasattyŋ maŋyzdy strategiialyq mındetterınıŋ bırı jäne demokratiialyq, zaiyrly, qūqyqtyq jäne äleumettık memleket qūrudyŋ maŋyzdy şarty bolyp tabylady. Bügınde būl sektordyŋ rölın arttyruǧa Memleket basşysy Qasym-Jomart Toqaev ülken män berıp otyr. Prezident tapsyrmasy aiasynda qazırgı taŋda, qalada azamattyq qoǧam instituttarynyŋ atqaratyn qyzmet aiasy keŋeiıp keledı. Bügınde qala aumaǧynda 550-den astam ükımettık emes ūiymdar tırkelıp, jūmys jürgızude. Äkımdık tarapynan ūiymdardyŋ damuyna, olardyŋ qalyptasuyna tūraqty türde qoldau körsetılıp keledı. “Azamattyq qoǧam – būl qarapaiym halyq, bız ben sız jäne qoǧamda özındık orny bar ükımettık emes ūiymdar. Al ükımettık emes ūiymdardyŋ memlekettıŋ damuynda yqpaly orasan zor. Qazaqstan zaiyrly, örkenietke bet alǧan memleket. Sondyqtan da halyqtyŋ ünıne qūlaq asady. Jalpy bilık qaşan da halyqtyŋ ünıne qūlaq assa, onda qoǧamda özara tüsınıstık ornaidy, basty qūndylyǧymyz - yntymaq, bırlıgımız arta tüsedı» - dedı qala äkımı. Forumnyŋ alǧaşqy bölımınde sarapşy spikerler söz söilep, bilıktıŋ özara serıktesı, qoǧamnyŋ qozǧauşy küşıne ainalǧan azamattyq qauymdastyq ökılderınıŋ atqarǧan jūmystaryn talqylady. Aqparat jäne qoǧamdyq damu ministrı salanyŋ üzdıkterın arnaiy marapattady. Forumnyŋ ekınşı bölımınde azamattyq qoǧam belsendılerınıŋ dialog alaŋynda jastar saiasaty jäne köşı-qon prosesterınıŋ terıs saldaryn joiu tetıkterı, sybailas jemqorlyqqa qarsy küres, patriotizm sezımın nyǧaitu taqyryptarynda jaryssözder ötedı.