Taldyqorǵannyń «Jetisý» komandasynyń bas jattyqtyrýshysy Dmıtrıı Ogaı Qostanaılyq «Tobylmen» matchta teń oınaýdan keıin tóreshilerge narazylyǵyn ashyq bildirdi.
- Mundaı salmaqty komandamen oınaǵanda, barynsha jınaqy oınaý kerek ekenin túsinesiń. Men sizderge qarapaıym tilmen bylaı túsindireıin: neshinshi match qatarynan túsiniksiz oıyndar men bassyz tóreshiler. Eger bulaı jalǵasa berse, onda fýtboldy oınakeregi ne? Tórt komanda birimen-biri oınap,chempıonat ótkize bersin, bireý úshin qyzyq shyǵar. Oıynda tóreshiler oıyna kelgenin istese de, synǵa alynbaıdy. Eger jeńgisi kelgen komanda bizdi taza oıynmen utsyn.. Sonda suraqtar bolmaıdy. Tóreshiler bizdi aıyppuldan kóz ashtyrmaıdy, bul jaǵdaıda qandaı fýtbol bolýy múmkin?
«Tobyl» onsyz da óte jaqsy komanda, matchta da ústemdigi basym boldy. Al tóreshi nege oıyn boıy biz jaqqa ysqyrýmen boldy? Osyny maǵan kim túsindiredi? Qazaqstan chempıonatyndaǵy osy bassyzdyqty toqtatý kerek. Óıtkeni bul jaqsylyqqa ákelmeıdi. Meniń ǵana emes, barlyq jattyqtyrýshylarda emoıonaldyq jarylystar bolady. Biz bul sátterdi sheshýge tıispiz. Óıtkeni biz munda ne bolyp jatqanyn túsinemiz. Nelikten bir komandany ǵana qulaǵynan tartyp súıreý kerek?
Endi «Astana», «Qaırat», «Tobyl» jáne «Ordabasy» - birinshilikte osy tórt komanda oınaı bersin . Boldy! Chempıonat ne úshin kerek? Kim úshin kerek? Eger, kúntizbege qarasańyz (QR Kýbogy) nege keıbir komandalar birinshi lıga komandasymen ǵana nemese kósh sońyndaǵy komandalarmen oınaıdy? Bul jerebeniń soqyrlyǵy ma? Bul kúlkili! Bizdi aqymaq qylǵysy keledi. Aqymaq ekenimizdi mıymyzǵa quıǵysy keledi. Bulaı bolmaıdy. Men ómir boıy fýtbolda júrgen adammyn. Eger bári únsiz qalsa, onda bul bassyzdyq jalǵasady. Men bárin aıttym! - dedi Ogaı.
Esterińizge sala keteıik, Qostanaıdaǵy «Tobyl» - «Jetisý» kezdesýinde Mantas Kýklıs buryshtamadan alań ıelerine gol soqqan bolatyn. Biraq, tóreshi goldy eseptemeı qoıǵan bolatyn. Kezdesý 0:0 esebimen aıaqtaldy.
Onyń aldynda Shymkentte "Ordabasy"-"Jetisý" matchynda tóreshi jetisýlyqtardyń taza golyn esepke almaı qoıǵan bolatyn.
"Adyrna" ulttyq portaly
