Äleumettık jelıde erekşe jūptyŋ bas qosyp jatqan videosy tarady, - dep habarlaidy “Adyrna” tılşısı.
Būl video Aiajan Aidarqūlova esımdı TikTok jelı qoldanuşysynyŋ paraqşasynda jariialanyp, 850 myŋ qaralym, 30 myŋ laik jinaǧan.
“Barşaŋyzǧa qaiyrly kün! Men ınımnıŋ üilenıp jatqan sätınen bırneşe video jüktep edım, jaǧymsyz pıkırlerden köz aşa almai qaldym. Jas jūbailarǧa baqyt tılep jatqan jandarǧa rahmet. Sızderge barlyǧyn tüsındırgım kelıp, video tüsırdım. Inılerımnıŋ jasy 23, 24-te. Jelıdegıler ınım men kelınım jaily “Jasy qyryqta, şal ǧoi, jıgıt bai, bai bolǧan soŋ qyz tiıp jatyr” dep türlı pıkır jazyp jatyr. Qyzdyŋ jaǧdaiy bızden jaqsy. Onyŋ imany bolǧandyqtan, ınımdı baqytty etemın dep tūrmysqa şyqty. “Şeteldıkke tūrmysqa şyqqanşa qazaqqa timeisıŋ be?” dep aitatyndar bar. Menıŋ bauyrym - qazaq. Men bauyrlarymnan ūialmaimyn. Onyŋ boiy alasa bolǧany bolmasa, bauyrym jüre alady. Olar sızder körmegen, jürmegen jolmen jürgen. Menıŋ bauyrym - el aralap, em ızdep, älem boiynşa osy dertıne şipa tapqan üşınşı adam. Kelınım aqşa üşın ınıme üilengen joq, būl - mahabbat. Men bauyrymdy müsäpır körmeimın. Onyŋ qyzdardy şertıp tūryp taŋdaityn jaǧdaiy bar. Janym bauyrym, qolyŋa qondyrǧan qūsyŋ qūtty bolsyn. Sen bar jaqsyǧa laiyqsyŋ. Sebebı Alla senı erekşe etıp jaratqan”, - dep jauap berdı Aiajan Aidarqūlova Massaget tılşısıne.
Olardyŋ arasynda jas jūbailarǧa baqyt tılep, mahabbattyŋ ūly sezım ekenıne köz jetkızgender de boldy.
“Kım ne dese, o desın. Baqytty bolyŋdar”, “Ärbır jan baqytty boluǧa laiyqty”, “Jürekke ämır jürmeidı, baqytty bolyŋdar”, “Erınıŋ razylyǧyn alam degen äielge türı de, basqasy da maŋyzdy emes”, -dep jas jūbailarǧa qoldau körsettı.
Videony sılteme arqyly köre alasyz.
Ūqsas jaŋalyqtar
