Jemis aǵashy men kredıt te kiris sanalady: 21 myńnan kimder qaǵylady?

1970
Adyrna.kz Telegram

Osy jyldyń qańtar, aqpan, naýryz aıynda kredıt alǵan bolsańyz, ony da kiris dep esepteıdi

Kóp balaly analar prezıdent ýáde etken 21 myń teńgeden úmitti. Alaıda aýyldaǵy kedeıdiń balasy ákesi kóleńke bolsyn dep ekken aǵashtyń kesirinen járdemaqydan qaǵylyp jatyr, dep habarlady Eýrazııa birinshi arnasy.

"Erejede barlyǵy jazylǵan. Mysaly buzaýdy alatyn bolsaq, 1-2 jasqa deıin esepke alynbaıdy. Jańa egilgen aǵashtar da ónim bergenshe eseptelmeıdi", - dep túsindirdi QR Eńbek jáne halyqty áleýmettik qorǵaý mınıstrliginiń bas sarapshysy Ǵalııa Jabaǵına.

Buzaý esepke alynbaǵanymen, mama sıyr kiris ákelýshi bolyp esepteledi. Eger bir jasqa deıingi bala kútimine baılanysty járdemaqy alyp otyrsańyz, ol otbasynyń tabysyna jatady. Múgedek balany baǵyp otyrǵanǵa beriletin járdemaqyny da kiris dep eseptep qoıǵan. Osy jyldyń qańtar, aqpan, naýryz aıynda kredıt alǵan bolsańyz, ony da kiris dep esepteıdi.

"Kóp jaǵdaıda kredıtti paıda kórý úshin alady. Biraq kredıttiń barlyq somasy jıyntyq tabysqa jatpaıdy. Sońǵy úsh aıda tólenetin somaǵa ǵana esepteledi. Ol kisi osy aqshany alar buryn bankke tóleýge qabiletti ekenin dáleldeıdi ǵoı", - deıdi Ǵalııa Jabaǵına.

21 myńǵa nıetti bolsańyz, kredıt bolmaýy kerek. Sosyn ajyraspańyz. Kúıeýińnen alıment alasyń dep ár balańyzǵa 21 myńdy qımaı qoıýy múmkin. Zeıetker ata-ájeńiz bolsa, álgi ataýly kómekti kórmeı ketýińiz múmkin. Kiris-shyǵystardy osylaı esepke almaǵasyn talaı kelinshek járdemaqydan qaǵylyp jatyr.

 

Pikirler