Saiasatker Ämırjan Qosanov jazuşylar qataryna qosyldy. Ol Qazaqstan Jazuşylar Odaǧynana müşelıkke ötken 9 adamnyŋ qatarynda, dep habarlaidy "Adyrna" ūlttyq portaly.
"Jas Alaş" basylymynyŋ habarlauynşa, Ämırjan Qosanovtyŋ Jazuşylar Odaǧymen qatar PEN-klubqa müşe bolǧan. Saiasatker özınıŋ qalam terbep, öleŋ jazatynyn habarlady. Özınıŋ aituynşa, bır kıtapqa jük bolatyn öleŋderı bar.«Öitkenı men jastaiymnan öleŋ jazatynym bar edı. «Jalyn», «Jūldyz», «Taŋşolpan» jurnaldarynda, «Qarlyǧaş» jinaǧynda bır top öleŋderım jaryq körgen. Publistikam bar degendei… Onyŋ üstıne kezınde qūrǧan «Jaŋa Qazaqstan» qozǧalysymyzdy tırkemedı. Resmi, saiasi qyzmetpen ainalysatyn mınbe joq. Sondyqtan qolymda qalamym bar, sony paidalanamyz, jazamyz. Pen-klubqa müşe bolǧam sebebım, būl klub söz bostandyǧyn qoldaidy. Sonyŋ ışınde qudalauda jürgen jurnalisterge kömek körsetedı», — deidı ol. Ämırjan Qosanov şyǧarmaşylyqpen baiaǧydan ainalysatynyn, ötken ǧasyrdyŋ 80-jyldarynda JO-ta öleŋ oqyǧanyn aitty. «Sol kezderı Jazuşylar Odaǧynan şyqpaityn edık. Öleŋ oqitynbyz. Aqsaqaldardyŋ batasyn aldyq. 60-qa taqaǧan jasymda özımdı laiyqty dep sanap, ötınış jazdym», — deidı saiasatker.Sonymen qatar, avtor "Eskı Qazaqtstandy" betıŋ bar, jüzıŋ bar demei aiausyz synaǧanyn da eske salyp öttı:
«Eskı Qazaqstan kezınde jazylǧan öleŋderım aşylau ǧoi. Jaŋaözen, Jeltoqsan… jalpy aitqanda äleumettık lirika jazdym. Keide bilık, jemqorlyq, sailau taqyrybynda da qalam terbedım. Eskı Qazaqstan kezınde ony eşkım basyp şyǧarmaityn. Jaŋa Qazaqstanda köremız endı, uaqyt kerek, jinaqtau qajet. Bärı retımen bolyp jatsa kıtap etıp bastyramyz», — deidı Ämırjan Qosanov.
"Adyrna" ūlttyq portaly
Ūqsas jaŋalyqtar
