Osydan úsh kún buryn Pavlodardyń ortalyq kóshesi Nazarbaev dańǵylynyń boıyndaǵy týdyń jyrtylyp qalǵany týraly áleýmettik jeli bir shýlap basylǵan. Eń alǵash pavlodarlyq jýrnalıst Esenebek Sanatuly óziniń Feısbýk paraqshasynda jarııalaǵan bolatyn.
"Netken jaman yrym. Pavlodardaǵy jalǵyz dańǵyl jaqynda "Táýelsizdiginen" aıyrylyp edi, endi dańǵyl boıyndaǵy memlekettik baıraǵymyzdyń dal-duly shyǵypty. Tıisti organdar Nursultan Nazarbaev dańǵylyndaǵy týdy qashan aýystyrar eken? Aıaq astynan Prezıdent kelip qalyp júrse..." dep jazǵan Sanatulynyń jazbasynan keıin jergilikti bılik "Táýelsizdik" monýmentindegi baıraqty jedel túrde aýystyryp, ornyna jańasyn ilgen bolatyn. Kópshilikten súıinshi suraǵan Sanatulynyń postyn qaz-qalpynda berdik.
"Kók týdyń jelbiregeni,
Janyma qýat beredi.
Keshegi jyrtyq týdy áleýmettik jelige salǵannan keıin dereý alyp tastap, búgin jańasyn ilip qoıypty. Jedel áreket jasaǵan jergilikti bılikke respekt! Memlekettik rámizderimiz únemi nazarda bolsynshy".
Bul qýanysh uzaqqa sozylmapty. Búgin Esenbek Sanatulynyń paraqshasynda taǵy da sol týǵa qatysty keleńsiz jazbany kózimiz shaldy.
"Pavlodarda tý taǵy jyrtylypty.
Táýelsizdik ataýynan aıyrylǵan soń týdyń da bul kóshede turǵysy joq -aý. Qaıta-qaıta jyrtyla berdi ǵoı. Aldyńǵy kúni ǵana jańasyna aýystyryp edi. Úsh kúnge shydamaıtyn ne qylǵan sapasyz materıal? Álde...bireýler qasaqana jyrtyp júr me? Bálkim, Pavlodar Oblysy Polıııa Departamenti anyqtap kóresizder! Uıat boldy, ózi. Kórmeıin desem tý kóz aldymda kúnde kózim túsedi. "Jyrtyq týdy jarııa qyldyń", dep áldekimder syn da aıtyp jatyr. N. Nazarbaev dańǵylyna tý shaq kelmese múmkin Astana kóshesine aparyp ornatasyzdar, Anýar Kýmpekeev myrza!" dep jazypty jýrnalıst.
Shynymen de sapasyz materıaldan jasalǵan baıraqty kim ilip júr?
"Adyrna" ulttyq portaly
