3 tamyz künı Oral qalasy, № 28-qataŋ rejimdegı koloniiasynda 50 tūtqynnyŋ aiausyz soqqyǧa jyǧylǧany habarlandy. Būl turaly olardyŋ tuystary habarlady. Sonymen qatar äleumettık jelıde türmedegı azamattardyŋ jai-küiın aiǧaqtaityn video tarady, dep habarlaidy "Adyrna" ūlttyq portaly.
Oral qalasynda ornalasqan № 28 koloniiasynyŋ tūtqyndary mekeme qyzmetkerlerı men äskeri qyzmetşıler tarapynan aiausyz soqqyǧa jyǧylǧany mälım boldy. Bırneşe sottaluşy būl turaly tuystaryna aitqan. Keiın tūtqyndardyŋ tuystary men jaqyndary koloniia aldyna jinalǧan. Jazasyn öteuşılerdıŋ analary men jarlary mekeme basşylyǧymen kezdesudı talap etıp, azaptalǧan azamattardy auruhanaǧa jatqyzuǧa talpynǧan.
- "Men, sottalǧan Raiymbek Serıkov esımdı azamat, qazır İQ-28-de jazamdy ötep jatyrmyn, ötken jyly mekeme qyzmetkerlerı bızdı ūryp-soqty. Sodan keiın men narazylyq tanytyp, ömırdı alǧa tarta otyryp, "esep aiyrysuǧa" tyrystym... Taǧy da däl osyndai jaǧdai boldy. Bız kamerada otyramyz. Bızdı bır-bırtınden alyp ketedı. Keiın beinebaqylau joq jerde mazaq etıp, ūryp-soǧady, azaptaidy, - deidı video avtorynyŋ bırı.Basşylyq mūndai derektı joqqa şyǧarmady. Olar jazasyn öteuşılerdıŋ basynǧanyn, tüzeu mekemesındegılerge qarsylyq körsetkenın, qarauylşyny ūryp-coqpaq bolǧanyn alǧa tartyp otyr. Işkı ıster ministrlıgı Oral koloniiasyndaǧy tūtqyndardy ūryp-soǧuǧa qatysty aqparatqa tüsınıkteme berdı.
"Kameralardyŋ bırınde tūtqyndar mekeme qyzmetkerlerı men äskeri qyzmetşıge şabuyl jasaǧan. Oqiǧa ornyna qosymşa küş jıberıldı. Baǧynbaǧandarǧa küş qoldanylyp, arnaiy qūraldar paidalanyldy. Odan keiıngı boluy yqtimal zaŋsyz äreketterdıŋ aldyn alu üşın olardyŋ bır bölıgı izoliatorǧa ornalastyryldy", - dedı IMM.
"Adyrna" ūlttyq portaly
Ūqsas jaŋalyqtar
