Mäskeu qalalyq sotynyŋ şeşımımen reseilık tanymal oppozisioner Aleksei Navalnyi 19 jylǧa bas bostandyǧynan aiyryldy. Oǧan "ekstremister qauymdastyǧyn qūrǧandyǧy" üşın osyndai jaza taǧaiyndaldy, dep habarlaidy "Adyrna" ūlttyq portaly.
Aleksei Navalnige jetı epizod boiynşa aiyp taǧyldy, onyŋ ışınde ekstremistık qyzmettı qarjylandyru jäne nasizmdı jaŋǧyrtu degen aiyptar da bar, dep habarlaidy RBK.
Tergeu mälımetterıne sensek, Navalnyi 2014 jylǧa deiın Reseidegı memlekettık tūtastyq pen konstitusiialyq qūrylysty qūldyratuǧa baǧyttalǧan ekstremistık qauymdastyq qūrǧan. Atalǧan ūiymdy qarjylandyru jolynda segız kommersiialyq emes ūiym qūrǧan. Sot mūndai ūiymnyŋ ışınde türlı firmalar men qorlar bar ekendıgın aitady.
Eske sala keteiık, Reseilık saiasatker, oppozisiia belsendısı Navalnyi 2021 jyldyŋ qaŋtarynda ūstaldy. Ony polisiia emdelıp, Germaniiadan oralǧannan keiın "İv Roş" ısı boiynşa qūryqtady. Bastapqyda ol 3,5 jylǧa bas bostandyǧynan aiyryldy. Sodan keiın Mäskeu sotyna Navalnyiǧa qarsy jaŋa qylmystyq ıs kelıp tüstı. Būl joly ol alaiaqtyq jäne sotqa qūrmet körsetpeu ısı boiynşa 9 jylǧa sottaldy. Ol kezde aiyptauşy tarap būrynǧy saiasatkerge 13 jylǧa deiın bas bostandyǧynan aiyru jazasyn sūraǧan bolatyn. 2023 jyldyŋ säuırınde Navalnyiǧa qatysty terrorizm faktısı boiynşa ıs qozǧaldy.
Sot şeşımı boiynşa Navalnyi eşkımmen hat-habar almasa almaidy. Qol-aiaǧy kısendeulı küide jazasyn öteidı.
"Adyrna" ūlttyq portaly
Ūqsas jaŋalyqtar
