Bıyl kóktemde Pavlodar oblysynda ormannan tabylǵan kóp balaly sheteldik otbasy Reseıge deportaııalandy, dep habarlaıdy “Adyrna” ulttyq portaly Tengrinews.kz saıtyna siltep.
Buǵan deıin Pavlodar oblysy Kemeńger aýylynyń mańyndaǵy ormanda uıyqtap jatqan erli-zaıyptylar men olardyń balalary týraly aqparat taraǵan. Aǵymdaǵy jyldyń mamyr aıynda olardy aýyl turǵyndary anyqtap, jergilikti bılikke tapsyrǵan.
Jaqynda Pavlodarda sot Reseı azamaty, 36 jastaǵy kóp balaly ákeni elden shyǵarý týraly sheshim shyǵardy. Sot keńsesiniń málimetinshe, ol kóshi-qon zańnamasyn buzǵany úshin kináli dep tanylyp, úsh táýlikke qamaýǵa alynyp, keıin Qazaqstannan deportaııalanǵan.
Sotta alty balanyń ákesi óz kinásin moıyndap, buryn da osyǵan uqsas quqyq buzýshylyq úshin ákimshilik jaýapkershilikke tartylǵanyn, biraq materıaldyq jaǵdaıynyń qıyndyǵyna baılanysty sot taǵaıyndaǵan aıyppuldy tóleı almaǵanyn aıtty.
«Sonymen qatar er adam balalarynyń qujattaryn rettep jatqanyn jáne áıeli, balalarymen birge jaqyn arada Reseı Federaııasyna turaqty turýǵa ketýdi josparlap otyrǵanyn aıtty», - delingen sot qujatynda.
Sot buıryǵynda deportaııalaý merzimi 2024 jyldyń 22 qazanynda aıaqtalady dep kórsetilgen. Qazaqstandaǵy Bala quqyqtary jónindegi ýákil Dınara Zákıevanyń habarlaýynsha, reseılik pen onyń balalary úılerine jiberilgen. Biraq kámeletke tolmaǵandardyń anasy Pavlodarǵa qaıtýǵa májbúr boldy.
«17 qazanda ata-analary men balalary Pavlodardan Barnaýlǵa ketti, biraq anasyn Reseı Federaııasynyń shekarasynda ótkizýge ruqsat bermedi. Qazir onyń tólqujatynyń jaramdylyǵy týraly másele týyndady jáne vıza máselesin osynda sheshemiz. Olar ony ushaqpen jiberedi», - dep túsindirdi Tengrinews.kz tilshisine Dınara Zákıeva.
Buǵan deıin otbasynyń anasy ormanda birge tabylǵan alty kishkentaı balanyń barlyǵy da óz balalary ekenin sot arqyly dáleldegen. Áıel DNQ analyq test tapsyrdy. Mamandar er adamnyń da balalardyń qandy ákesi ekenin anyqtady.
Aǵymdaǵy jyldyń mamyr aıynda sot kóshi-qon zańnamasyn buzǵan azamatty 25 AEK kóleminde jazalap, aıyppuldy 64 610 teńgege deıin azaıtty.
Reseı azamatynyń Qazaqstannan 2016 jyldyń qyrkúıeginde ketýi kerek bolǵany, onyń ornyna Pavlodarda sheteldik qyzben zańsyz turýyn jalǵastyrǵany, erli-zaıyptylardyń alty balasy: ekeýi jergilikti perzenthanada, qalǵany úıde bolǵany habarlanǵan. Er adam áıelin ózi jetkizgen.
Esterińizge sala keteıik, aǵymdaǵy jyldyń mamyr aıynda Pavlodar oblysy Kemeńger kentiniń mańyndaǵy ormanda uıyqtap jatqan sheteldikter tabylǵan bolatyn. Olardy tapqan jergilikti turǵyndar balalardyń jylaǵan daýysyn estigen.
Kóp balaly januıany anyqtaǵan soń, ana men balalar baqylaý men kútim úshin aýrýhanaǵa jatqyzyldy. Bosanǵannan keıin otbasynyń ákesi olarǵa jeke úı jaldap berdi.
Bir aıdan keıin er adam Tengrinews.kz tilshisine otbasymen qala syrtynda arzan jaldamaly baspana izdep júrgenin, tek ormanda demalatynyn aıtty.
