Balqashta dáriger tapshylyǵy máselesin sheshýge kómektesetin áleýmettik joba jalǵasýda. Bes balqashtyq Qaraǵandy medıına ýnıversıtetinde oqýǵa grant alady. Oqytýdy «Koýnrad» korporatıvtik qory qarjylandyrady.
«Bul joba ótken jyly engizildi. Bes balqashtyq qazirdiń ózinde «Koýnrad» qorynyń esebinen Medıına ýnıversıtetinde bilim alýda. Bıyl taǵy bes adam – Balqash qalasyndaǵy mektep nemese medıınalyq kolledj túlekteri konkýrs arqyly irikteledi. Mindetti shart – oqýdan ótkennen keıin týǵan qalasyna jumysqa oralý», – dep habarlady Qaraǵandy oblysy densaýlyq saqtaý basqarmasynyń Balqash aımaqtyq bóliminen.
Oqýǵysy keletinder bar. Konkýrsqa qatysý úshin qujattar 1 tamyz ben 15 tamyz aralyǵynda Balqash qalasy, Aýrýhana qalashyǵy mekenjaıy boıynsha ornalasqan densaýlyq saqtaý bólimshesinde qabyldanady. Anyqtama telefony: (8-71036) 7-99-44.
Úmitkerlerdi arnaıy komıssııa qaraıdy. Qordyń resmı saıtynda bilim grantyn taǵaıyndaý erejelerimen (https://kounrad.kz/download/2023.pdf) tolyq tanysýǵa bolady. Oqytý «Jalpy medıına» baǵdarlamasy boıynsha júrgiziledi. Oqýdy bitirgennen keıin jas maman Balqash qalasynyń emdeý mekemesinde keminde 5 jyl jumys isteýi kerek.
