İtaliianyŋ Milan qalasynda ötıp jatqan semserlesuden älem chempionatynda Qazaqstan qorjynyna alǧaşqy medal tüstı. Būl turaly Mädeniet jäne sport ministrlıgı Sportty damytu direksiiasynyŋ mälımdedı, dep habarlaidy “Adyrna” ūlttyq portaly.
Mälımet boiynşa, ūlttyq qūramanyŋ köşbasşysy Ruslan Kurbanov şirek finalda italiialyq Valerio Kuomony 15:12 esebımen ūtyp, komandalastary arasynan alǧaş bolyp finaldyq kezeŋge joldama aldy. Alaida jartylai finalda ol vengriialyq Mate Kohten 10:15 esebımen ūtylyp, qola jüldeger atandy.
Ekınşı jartylai finalda Olimpiada jäne älem chempiony fransiialyq Romen Kannon italiialyq Davide di Veroliden jeŋılıp qaldy.
Ruslan Kurbatov 1/16 ainalymda fransiialyq Iаnnik Boreldı 15:14, daniialyq Konrad Seibek Kongstadtı 14:13 esebımen ūtqan. Oǧan deiın avstriialyq Djozef Maringerden basym tüsıp, üzdık 32 sportşynyŋ qataryna qosyldy.
Eske salsaq, Kurbatov byltyr Egipettıŋ Kair qalasynda ötken älem chempionatynda Elmir Älımjanov ekeuı şirek finalǧa deiın jetken edı.
Ūqsas jaŋalyqtar
