Búginde qalada 9 bilim ǵımaratynyń kúrdeli jóndeý jumystary júrgizilýde. Jańa oqý jylyna deıin 4 mektep pen 2 balabaqshanyń jáne kolledj ben 2 arnaıy mektep- ınternatynyń ǵımaraty jóndeýden ótedi. Búgin qala ákimi M.Áıtenov qurylys alańdaryn aralap, jumys barysyn qadaǵalady.
4-shaǵynaýdandaǵy №78 orta mektep ǵımaraty 2004 jyly salynǵan. Jobalyq qýattylyǵy 465 oryndyq bilim nysanynyń kúrdeli jóndeý jumystary búginde 60 paıyzǵa oryndalǵan. Óndiristik kestege saı ǵımarat tamyz aıynyń ortasynda paıdalanýǵa beriledi.
Bilim basqarmasyna qarasty «Estý qabileti buzylǵan balalarǵa arnalǵan №1 arnaıy mektep-ınternaty» kommýnaldyq memlekettik mekemesiniń ǵımaraty da kúrdeli jóndeý kórmegen ortalyqtardyń biri bolatyn. Munda da qazir qurylys qarqyndy júrýde. Joba boıynsha 3 qabatty ǵımarattyń qabyrǵasy tolyq jańartylyp, ınjenerlik kommýnıkaııalyq jelileri aýystyrylady.
Qaladaǵy V.Tereshkova atyndaǵy №93 jalpy bilim beretin mekteptiń ǵımaraty da zamana talabyna saı jabdyqtalýda. Jańatalap shaǵynaýdanyndaǵy mekteptiń birinshi korpýsy 1951 jyly salynǵan. Aýmaqta oqýshy sany artqandyqtan, sońǵy jyldary mektep keńeıtilip, qaıta jasaqtalǵan. Munda da ınjenerlik júıeler tolyq jańalanýda. Joba boıynsha qosymsha sport alańshasy salynyp, kóriktendirý, abattandyrý jumystary júrgiziledi.
Atalǵan nysandardy aralap kórgen M.Dúısenbekuly jaýaptylarǵa merdigerler jaýapkershiligin arttyra otyryp, eń aldymen sapany baqylaýǵa alýdy tapsyrdy. Sondaı-aq óndiristik kestege saı kúrdeli jóndeý jumystaryn tolyq aıaqtap, bilim oshaqtaryn jańa oqý jylyna saqadaı saı etip jasaqtaýdy eskertti.
