Aqtaudaǧy infeksiialyq balalar auruhanasynda ekı künnen berı su joq. Būl turaly jergılıktı portal "Lada" jariialady, dep habarlaidy “Adyrna” ūlttyq portaly.
Balalarǧa arnalǧan oblystyq jūqpaly aurular auruhanasy osy jaǧdaiǧa qatysty tüsınıkteme berdı.
Jas ananyŋ aituynşa, emdeu mekemesınde ekı künnen berı auyz su jäne tehnikalyq su joq. Sondyqtan pasientter bes litrlık bötelkedegı auyz sudy satyp aluǧa mäjbür boluda.
Ydys juuǧa mümkındık joq. Palata tazalanbaǧan. Olar bızge naqty jauap bermeidı. Osyndai jaǧdailarǧa bailanysty qolhat jazyp, üige şyqqymyz keledı. Bıraq olar bızdı jıbermei jatyr, - deidı Jazira esımdı nauqas.
Balalar jūqpaly aurular auruhanasyndaǧylardyŋ aituynşa, qazırgı uaqytta qūbyrlar eskırgendıkten jäne jertölege jiı su aǧyp jatqandyqtan qūbyrlar auystyrylyp jatqan körınedı. Alaida, jöndeu jūmystarynyŋ qaşan aiaqtalatyny äzırge belgısız.
https://m.youtube.com/watch?v=Xp1-zz_9mAY&embeds_referring_euri=https%3A%2F%2Fsputnik.kz%2F&source_ve_path=MTY0OTksMjg2NjQsMjg2NjQsMjg2NjY&feature=emb_logo
