Sot reformasyna qarsy demonstranttar birneshe kún buryn Tel-Avıvten Ierýsalımge ketken, olardyń kolonnasy 70 shaqyrymǵa sozylǵan. Bul týraly Deutsche Welle málimdedi, dep habarlaıdy “Adyrna” ulttyq portaly.
Aqparat boıynsha, Tel-Avıv pen Ierýsalımdi baılanystyratyn tas joldyń boıynda sherýge qatysýshylardyń júzdegen kóligi tur. Sherýshiler kolonnasy birneshe shaqyrymǵa sozyldy. Tas jolda polıeıler men sý atqyshtary bar kólikter kezekshilik etýde. Olar joldy bógemeı, oń jaq jolaqty basyp alyp, kóp shaqyrymdyq kólik keptelisin týdyrdy.
Narazylyq akııasyn uıymdastyrýshylardyń aıtýynsha, sherýge 20 myńǵa jýyq adam qatysýda.
Narazylyqqa Izraıl parlamentiniń Joǵarǵy sottyń atqarýshy bıliktiń sheshimderin baqylaý múmkindigin shekteıtin zań jobasyna túzetýlerdi bekitýi sebep boldy. Bul qadam Benıamın Netanıahý úkimeti júrgizgen sot reformasynyń is júzinde bastalǵanyn bildiredi.
