Zırat basynda parsha-parsha bolyp shashylǵan temirlerdi kórgen turǵyndar da shoshyp otyr.
"Osy zırattyń qasynda turǵanyma 35 jyldaı boldy. Mundaı masqarany birinshi ret kórýim. Qudaıdan da qoryqpaıtyn adamdar bar. Barlyq shoıyn qorshaýlardy tonap ketken. Bul bir-eki adamnyń jumysy emes. Temir qabyldaıtyn oryndar urlanǵan zat ekenin bilip, qabyldamaý kerek. Soǵan zańmen tyıym salynsa mundaı soraqylyqtar bolmaıtyn edi",-dedi qala turǵyny Amanǵazy Shabaqov.
Bul jaǵdaıǵa qatysty polıııa tarapynan is qozǵalyp, temir-tersek qabyldaý oryndaryna tekserý jumystaryn júrgizip jatyr.
"Gormolzavod" aýmaǵynda ornalasqan Baýyrlastar mazarynan temir qorshaýlardyń urlaný deregine qatysty qylmystyq kodekstiń 188-baby boıynsha sot aldy tergeý-tekserý amaldary júrgizilýde. Metall qabyldaý oryndary tekserilýde",-dedi oblystyq ishki ister departamentiniń baspasóz qyzmeti.
Al zıratty senimgerlik basqarýǵa alǵan mekeme polıııaǵa aryzdy ózderi túsirgenin alǵa tartty.
"Bul bir-eki kúnde bolǵan jaǵdaı. Qorshaýlardyń urlanǵany týraly polıııaǵa habar berdik. Ol jerdi biz 5 jylǵa senimgerlikke alǵan bolatynbyz. Qazirgi ýaqytta qalada 40 -tan asa zırattar bar. Bárinde kezekti tekserister ótip, tazalyq jumystary júrip turady",-dedi rıtýaldyq qyzmet kórsetý mekemesiniń basshysy Sábıt Dúısenov.
