Semeı saıabaqtarynyń birinde ornalasqan «Lenın bıýsteri» alynyp tastaldy. Bul týraly oblystyq máslıhat depýtaty, aqyn Mereı Qart Feısbýk paraqshasynda jazdy, dep habarlaıdy “Adyrna” ulttyq portaly.
Semeıdegi «Lenın bıýsteri» kelmeske ketti, Alash arystary tuǵyrǵa qonar kez keldi! - dep jazady ol.
Aqynnyń pikirin onyń áriptesi, Abaı oblystyq máslıhatynyń depýtaty Shaǵangúl Janaeva da qoldap, qýanyshyn bildirdi.
Elimiz táýelsizdik alǵannan keıin kommýnıstik ıdeologııanyń hám Sovet Odaǵynyń iri kósemderiniń bıýsterin qalanyń ár-ár jerinen jınap, osy býlvarǵa ákelgen bolǵan. Býlvardyń kóp bóligin alyp turǵan osy musinderdi búgin tasyp, áketip jatyr eken. Tań qaldyq.
Táńirim, bul kúndi kórsetkenińe shúkir! Talaı ákim basqardy ǵoı qalany. Birde bireýiniń qaıraty jetpep edi…
Semeı rýhanı jańǵyryp jatyr! Alash rýhty ákimderimiz aman bolsyn! Qadirli jerlester! Qutty bolsyn! Jańarýdyń basy qutty bolsyn! – dep jazdy Shaǵangúl Janaeva.
