Nūrdıldä Oraz Batys Qazaqstan oblysy äkımınıŋ apparatyna jaŋa qyzmetke keldı, - dep habarlaidy "Adyrna" tılşısı oblys äkımınıŋ baspasöz qyzmetıne sılteme jasap.
«Qazaqstan Respublikasy Prezidentı Äkımşılıgınıŋ kelısımı boiynşa Oraz Nūrdıldä Serıkūly Batys Qazaqstan oblysy äkımı apparatynyŋ basşysy bolyp taǧaiyndaldy», - dep habarlady oblys äkımınıŋ baspasöz qyzmetı.
Osy taǧaiyndauǧa deiın ol Batys Qazaqstan oblysynyŋ qoǧamdyq damu basqarmasynyŋ basşysy qyzmetın atqarǧan.
Nūrdıldä Oraz 1981 jyly düniege kelgen. Äl-Farabi atyndaǧy Qazaq ūlttyq universitetın «Jurnalistika» mamandyǧy boiynşa jäne IIM Beisenova atyndaǧy Qaraǧandy akademiiasyn «qūqyq qorǧau qyzmetı» mamandyǧy boiynşa bıtırgen.
Oraz är jyldary teledidarda jūmys ıstedı, «31 arnada» «İnformbiuro» aqparattyq baǧdarlamasynyŋ qazaqşa redaksiiasynyŋ tılşı - jürgızuşı boldy.
2009 jyly ışkı ıster organdaryna auysyp, Astana qalasy Işkı ıster departamentı, QR Tıl saiasaty jäne aqparat basqarmasynyŋ bastyǧy, Işkı ıster ministrlıgı Memlekettık tıl jäne aqparat departamentınıŋ direktory qyzmetterın atqardy.
Nūrdıldä Oraz ministrdıŋ baspasöz hatşysy, keiın Işkı ıster ministrlıgınıŋ resmi ökılı qyzmetın de atqarǧan. 2016 jyly QR Bas prokuraturasy apparaty basşysynyŋ orynbasary bolyp jūmys ıstedı.
2019-2022 jyldar aralyǧynda Işkı ıster ministrınıŋ keŋesşısı boldy.
"Adyrna" ūlttyq portaly
Ūqsas jaŋalyqtar
