Búgin Shymkentte qala kúni merekesine oraı alǵashqy skeıt-park ashyldy. Velosıpedti motokross jáne skeıtbordıngpen aınalysýǵa arnalǵan alań qaladaǵy Abaı saıabaǵynyń aýmaǵynda ornalasqan.
Shymkent qalasynyń ákimi Murat Áıtenov merekege oraı jańa nysanmen tanysyp, jas sportshylarmen áńgimelesti. Shahar basshysynyń aıtýynsha, memleket jastardyń bos ýaqytyn tıimdi uıymdastyrýǵa, jas býynnyń buqaralyq sportpen jáne shyǵarmashylyqpen aınalysyp, salaýatty ómir saltyn ustanýyna barynsha qolaıly jaǵdaı jasap keledi.
Aıta keteıik, skeıtbordıng taıaýda Olımpıada oıyndarynyń baǵdarlamasyna engizilgen. Shymkentte bul sport túri endi ǵana damyp keledi. Qalalyq skeıtbordıng federaııasynyń jetekshisi Sergeı Baranenkonyń aıtýynsha, qazir Shymkentte 100-den astam skeıterler bolsa, taǵy sonsha jas velosıpedti motokrospen aınalysady eken.
Jańadan ashylǵan skeıt-parktiń aýmaǵy 800 sharshy metrdi quraıdy. Onda bir mezgilde 40-qa jýyq adam sportpen aınalysa alady. Bul jerde seıtbordıngpen endi aınalysyp júrgen áýesqoılarǵa arnalǵan qarapaıym fıgýralar da, kásibı skeıterlerdiń kúrdeli trıýktar jasaýyna arnalǵan fıgýralar da ornatylǵan.
