Bozaryq -3 shaǵynaýdanynda ornalasqan sport kesheni aýyr atletıkadan olımpıadalyq rezervin daıyndaıtyn balalar men jasóspirimderdiń mamandandyrylǵan sport mektebine tıesili. Jańa nysannyń ashylýyna qala ákimi Murat Áıtenov, Italııanyń Genýıa qalasynan kelgen qonaqtar men Bahadyr Narymbetov bastaǵan qala máslıhatynyń depýtattary qatysty.
Jańa sport ǵımaratynda 10-16 jas aralyǵyndaǵy 1000-ǵa jýyq oqýshy sporttyń 7 túrinen jattyǵa alady. Ashylǵan sátten bastap 500-ge jýyq bala sportpen aýyr atletıka túrlerine jazylyp úlgeripti. Bul jerdegi barlyq zal zaman talabyna saı jabdyqtalǵan. Ǵımarattyń birinshi qabatynda aýyr atletıka zaly, kıim aýystyrý bólmeleri, jýynatyn bólmeler, jattyqtyrýshylar bólmesi, 16 orynǵa arnalǵan ashana, medıınalyq kabıneti bar. Al, ekinshi qabatynda kúres, grek-rım kúresi kilemderi, dzıýdo tatamıi, boks rıngi sekildi ámbebap zaldar ornalasqan.
Aýyr atletıkadan Azııa chempıony Nurǵısa Ádiletuly osyndaı zaldar elimizde sırek ekenin aıtyp, qala ákimine alǵysyn jetkizdi.
–Sportshylarǵa barlyq jaǵdaı qarastyrylǵan zaldar elimizde óte sırek. Shymkent qalasynan aýyr atletıkaǵa arnalǵan, zamanýı sport kesheni ashylǵanyna óte qýanyshtymyz. Bul eldi mekende de elimizdiń týyn kókke kóterer álem chempıondary shyǵady dep úmittenemiz, - dedi Azııa chempıony.
