Eki prezıdentke bir aryz: Anamnyń qaıtys bolǵanyn dáleldeı almaı júrmin

2621
Adyrna.kz Telegram

Elbasy Nursultan NAZARBAEVQA

Prezıdent Qasym-Jomart TOQAEVQA

Almaty qalasynyń ákimi Baýyrjan BAIBEKKE

AShYQ HAT

Jazǵan hatymdy poshtamen jibersem, kanelıarııa arqyly keri qaıtatynyn bilgendikten  baspasóz betindegi aryzyma mán berip, máselem sheshiler degen úmitpen qolyma qalam aldym. Bul hat qalamymdy kóz jasyma sýaryp otyryp jazyldy. Muqııat oqyp, sheshim qabyldaýdy ótinemin.

Eki prezıdentke bir aryz: Anamnyń qaıtys bolǵanyn dáleldeı almaı júrmin

Meniń anam fızıka-matematıka ǵylymdarynyń kandıdaty, doent, Altyn adam jazýyn otyz jyl boıy zerttep, kúmis zerenshedegi jazýynyń qupııasyn ashqan ǵalym Maǵrıpa Shójeǵulqyzy JYLQYBAEVA bıyl aqpannyń 24-juldyzynda jetpis tórtke qaraǵan shaǵynda saǵat 1115 shamasynda kóz jumdy. Shaqyrylǵan jedel-járdem 1130-da jetti. Dáriger A.B.Tajıkova men feldsher Z.B.Askarbaeva máıitti tekserip, dabyl paraǵyna dıagnoz jazyp, qolyma ustatyp kete bardy. Artynan jergilikti meken-jaı boıynsha  ýchaskelik polıııadan aǵa leıtenant B.Kýantaevpen birge bir top maman kelip, máıitti tekserip, sýretke túsirip, óz ajalynan qaıtys bolǵanyn rastaıtyn hattama toltyrdy. №3 emhanadan anamnyń qaıtys bolǵany týraly anyqtama qaǵazyn alý kerektigin aıtty. Sol sátte aýyldan B.Balaev bastaǵan el aǵalary kelip, basqosý ótkizip, janaza máselesin talqylady da,  anamdy óziniń týǵan jeri Almaty oblysy, Jambyl aýdany, Jambyl aýylyna jerleý týraly sheshim shyǵardy. Men basqa da týǵan-týyspen birge jedel aýylǵa attandym.

25 aqpan saǵat 1300-de aýyldaǵy atamyzdyń úıinen anamdy aqtyq saparǵa shyǵarý rásimi ótti. Kelesi kúni, 26 aqpanda tańerteń barlyq qujattardy jınap, Almaty qalalyq №3 emhanaǵa baryp, bólim meńgerýshisi M.Esjanova men ýchaskelik dáriger A.Meıirmanovaǵa jolyǵyp, anamnyń qaıtys bolǵany týraly anyqtama qaǵazyn suradym. Alaıda dárigerler anam Maǵrıpa Shójeǵulqyzy emhananyń kompıýter bazasynda tirkelmegenin, medıınalyq kartasy joq ekenin aıtyp, anyqtama qaǵazyn berýden bas tartty.

Eki prezıdentke bir aryz: Anamnyń qaıtys bolǵanyn dáleldeı almaı júrmin

Men anam 1990 jyldardyń basynan aýyra bastaǵanyn, sol kezde Almaty qalasyndaǵy medıına mekemeleriniń barlyǵynda bolyp, tekserilgenin, biraq dárigerler durys dıagnoz qoımaı, naýqasy asqynǵan soń, dáriger ataýlydan kúder úzip, óz betimen emdelýge kóshkenin túsindirdim. 2018 jyldyń qarasha aıynda anam birjolata tósek tartyp jatyp qaldy. Aýrýhanaǵa jatý, úıge dáriger shaqyrtý týraly meniń jáne jaqyn týystardyń sózine qarsy bolyp, medıına mekemelerine qaralýdan úzildi-kesildi bas tartty. Eshqandaı dárigerge senbeıtinin de ashyq aıtty. Anam bizge tabıǵı shyryndar, ystyq sorpa men tabıǵı sút ónimderin ǵana qalaıtynyn aıtyp, basqalaı mazalamaýymyzdy qatań eskertti. Onsyz da fızıkalyq turǵyda naýqas anamdy artyq sózben mazalamaý maqsatynda biz onyń bar qalaýyn oryndadyq. Iaǵnı, tabıǵı taǵamdarmen qamtamasyz ettik, aýrýhana, emhanaǵa qaralýǵa zorlap ıtermelemedik. Buny jaqyn týystarym da rastaı alady.

Men dárigerlerden emhanany moıyndamaǵany úshin marqum anamdy keshirýdi ótindim. Anam qaıtys bolǵan sátte Jedel járdem ǵana shaqyryp, dál osy №3 emhana dárigerine aıtý kerektigin bilmegendigim úshin de keshirim suradym. Dárigerler keshirgen joq. 1990 jyldardaǵy anamnyń medıınalyq muraǵat qujattaryn aqtarýdy ótindim. Dárigerler «eski qujatty eshkim izdep otyrmaıdy» dep jaýap berdi.

Men anam bul emhanaǵa sońǵy ýaqytta qaralmasa da jergilikti meken-jaıy boıynsha osy mekemeden qujat alynýy tıis ekendigin alǵa tartyp, anyqtama qaǵazyn qaıta-qaıta suraýmen boldym. Dárigerler «sizdiń anańyz bul meken-jaıda turmaıdy, bul onyń qujaty emes» degen tárizdi namysyma tıetin jala sózdermen onsyz da qaıǵyryp otyrǵan meniń eńsemdi odan saıyn túsirdi. Men búkil qujattardy kórsetip, anam otyz jyldan beri Bostandyq aýdanyndaǵy qujatta kórsetilgen úıde meken-jaıyn ózgertpesten turaqty turǵanyn dáleldedim. Dáriger sonda ǵana jýrnaldy ashyp qarady da, «Anańyzdyń aty-jóni eski tirkeýde bar eken, biraq jańa tirkeýde joq, sondyqtan anyqtama qaǵazyn bermeımiz» dep qasarysty. Sonda anamnyń aty-jóni emhananyń kompıýter bazasyna engizilmegenine men kinálimin be?

26-aqpan kúni emhananyń bas dárigeri Q.Igısınovaǵa kirý múmkin bolmady. Kelesi kúni, ıaǵnı aqpannyń 27-de men emhananyń bólim meńgerýshisi jáne ýchaskelik dárigermen birge Q.Igısınovanyń qabyldaýyna kirdim.  Bas dáriger ártúrli syltaýdy alǵa tartyp, qujattyń berilmeıtinin aıtty. Aýyldyq jerdegi aýrýhananyń qatysy bolmasa da, «Aýyldan tanys arqyly al» dep, meni Uzynaǵashtaǵy Jambyl ortalyq aýdandyq aýrýhanasyna jumsady.

Mine, osylaısha men anamnyń turǵylyqty meken-jaıy boıynsha qalalyq emhana berýge tıis anyqtama qaǵazyn surap, ár mekemeniń esigin qaǵýmen eki aıǵa jýyq ýaqytym ótti. Barlyǵy Almatydaǵy №3 emhanaǵa silteıdi.

Eki prezıdentke bir aryz: Anamnyń qaıtys bolǵanyn dáleldeı almaı júrmin

№3 emhana bolsa anam Maǵrıpa Shójeǵulqyzynyń molasyn qazbaıynsha onyń ólimine senbeıtindikterin, Almaty qalasy densaýlyq saqtaý basqarmasy ShJQ Medıınalyq jedel járdem stanııasy men Bostandyq aýdandyq ýchaskelik polıııa bólimshesi bergen bıologııalyq ólimdi rastaıtyn qujattardy moıyndamaıtynyn aıtýda.

11-naýryzda atalmysh emhana bas dárigeri Q.Igısınovanyń atyna jazbasha ótinish tapsyrdym. Bul ótinishime jaýap berilmedi. 27-naýryzda Q.Igısınovaǵa taǵy kirdim. Másele sheshilgen joq.

12 naýryzda Qazaqstan Respýblıkasy Bas prokýrory Q.P.Qojamjarov, Densaýlyq saqtaý mınıstri E.A.Birtanovqa, Ádilet mınıstri M.B.Beketaevqa ótinish hattar jiberdim. Áli nátıje shyqqan joq.

№3 emhana «Maǵrıpa Shójeǵulqyzynyń molasyn qazbaıynsha  eshqandaı qujatqa senbeımiz, anańyzdyń kóz jumǵany ras bolsa sot arqyly dáleldeńiz» degen soń búkil qujattardy jınap, Bostandyq aýdandyq sotyna eki márte bardym. Sot qyzmetkerlerinen: «Osynsha qujat jınap, áýre bolǵanyńyz-aı! Anańyzdyń qaıtys bolǵanyn sot arqyly dáleldeýge esh negiz joq, onsyz da aıdan anyq kórinip tur ǵoı. Bul jaǵdaıda sotqa júginý qajet emes. Bul aldymen sizdi mazaq etý, ekinshiden marqum anańyzdyń arýaǵyn qorlaý. Anańyz dárigerge qaralmasa ol óziniń quqy, emhananyń bunysy durys emes. Mola qazýdyń eshqandaı qajettiligi joq. Qaıtadan emhanaǵa baryp, anyqtama qaǵazyn talap etińiz» degen jaýap aldym.

Men sońǵy ret 10-sáýirde №3 emhana bas dárigeriniń orynbasary S.Saýrovamen telefon arqyly sóıleskenimde ol «qaıtys bolǵany týraly  anyqtama qaǵazy medıına qyzmetkeri máıitti kórgen soń ǵana beriledi» dedi. Sonda Almaty qalalyq Medıınalyq jedel-járdem stanııasynyń dárigerleri medıına qyzmetkerine jatpaı ma?

Mine, 24-aqpan kúni kóz jumǵan anam Maǵrıpa Shójeǵulqyzynyń qazasyn alys-jaqyn el túgel estidi, BAQ arqyly búkil respýblıka biledi desem artyq emes. Shet elderden de kóńil aıtýlar kelýde. №3 emhana bolsa marqumnyń molasyn qazýdy talap etýde. Osy eki aı ishinde qaıǵyma qaıǵy ústemelep, sherime sher qosqan emhananyń áreketin qalaı baǵalaýǵa bolady? Sizderden arnaıy komıssııa quryp, osy máseleni sheship berýdi halyq aldynda ótinip suraımyn.

Sharafat JYLQYBAEVA,

jýrnalıst

"Jas Alash"

Pikirler