NATO kelısımderden bas tartyp, Resei şekarasynda tūraqty äskeri bazalaryn qūruy kerek, dedı Litva prezidentı Gitanas Nauseda The Times gazetıne bergen sūhbatynda. Būl jaily "Adyrna" ūlttyq portaly habarlaidy.
Litva basşysy, sonymen qatar, Batys "Vladimir Putinnıŋ iadro qaruyn alǧa tartqan bopsalauyna berılmeuı kerek" dep mälımdedı. Odaqtastaryna "öte qauıptı jäne şūǧyl äreket" qajet bolǧan jaǧdaida äskeri şyǧyndardyŋ artatynyn aityp, oǧan daiyn boluǧa şaqyrdy.
Sonymen qatar saiasatker nelıkten Putinnıŋ iadrolyq qaruǧa "jalǧan" iek artatyndyǧyn tüsındırdı.
Onyŋ aituynşa, köptegen batys elderındegı odaqtastar Putinnıŋ "qūmar oiynşy" ekenın tüsınedı. "Ol barlyq qauıp-qaterlerden seskenıp, özınıŋ küştı bolǧandyǧynan emes, özın älsız sezıngendıgınen mūndai qadamǧa barady. Menıŋ oiymşa, Reseidegı soŋǧy köterılıs onyŋ älsızdıgın küllı älemge paş ettı körsettı. Sondyqtan bız myqty boluymyz kerek jäne bızdıŋ myqtylyǧymyz - eŋ myǧym tosqauyl boluy mümkın", — dedı saiasatker.
Eske sala keteiık, NATO men Mäskeu arasyndaǧy qatynastar jäne yntymaqtastyq turaly aktıge 1997 jyly qol qoiylǧan. Qūjatta alianstyŋ jaŋa müşelerın şekara maŋyna ornalastyrmau, iadrolyq qaru men maŋyzdy jauyngerlık küşterdı tūraqty türde şekara tübıne jaqyndatpau jaǧy qarastyrylady.
"Adyrna" ūlttyq portaly
Ūqsas jaŋalyqtar
