Moŋǧoliiada düniejüzı qazaqtarynyŋ IV kışı qūryltaiy ötıp jatyr

Moŋǧoliianyŋ Ūlan-Batyr, Hobda, Baian-Ölgei aimaqtarynda Moŋǧoliia qazaqtarynyŋ kışı Qūryltaiy ötıp jatyr. 4-10 şılde aralyǧyna josparlanǧan aituly ıs-şaraǧa Qazaqstan Syrtqy ıster ministrlıgıne qarasty «Otandastar qorynyŋ» ūiytqy bolǧan. Merekelı bosqosuǧa qairatkerler, saiasatkerler, aqyn-jazuşylar, ǧalymdar men käsıpkerler qatysyp jatyr, dep habarlaidy "Adyrna" ūlttyq portaly.  Qūryltai maqsaty – şettegı qandastardyŋ tüitkıldı mäselesın anyqtap, ūlttyq qūndylyqtardy därıpteu. Qūryltaiǧa «Otandastar qorynyŋ» prezidentı Abzal Saparbekūly, Qazaqstan Parlamentı Mäjılısınıŋ deputattary, diplomatiia ardagerlerı, ziialy qauym ökılderı men qoǧam qairatkerlerı qatysuda. «Otandastar qorynyŋ» prezidentı Abzal Saparbekūly şettegı qazaqtardyŋ basyn qosqan jiynda:

- Älemnıŋ qai tükpırınde bolsyn qazaqty qazaq etıp tūrǧan – ana tılı, ata dästürı jäne keŋ peiılı men bauyrmaldyǧy. Bız osy qasietımızden ainymauymyz kerek. «Bar qazaq – bır qazaq» bolyp tūtasyp, bırlıkte bolsaq, şyǧar biıgımız köp bolady, - dedı.

Moŋǧoliia qazaqtarynyŋ kışı Qūryltaiy Ūlan-Batyrdan bastaldy. Biylǧy 4 şıldede qazaqstandyq delegasiia Moŋǧoliia astanasy Ūlan-Batyrdyŋ  5 myŋnan astam qazaq tūratyn Nalaih audanyna bardy. Audan äkımı Ch.Radnaabazar jäne mäslihat deputattarymen kezdestı, Kezdesu barysynda Qor basşysy Abzal Saparbekūly Moŋǧoliiadaǧy jäne Qazaqstanǧa köşıp kelgen qandastarymyz Moŋǧoliia memleketınıŋ qamqorlyǧyn erekşe yqylas-rizaşylyqpen eske alatynyn jäne būl şyn jürekten şyqqan söz ekenın atap öttı. Sözın jalǧastyra kele, Qoǧam basşysy Moŋǧoliia qazaqtarynyŋ kışı qūryltaiy aiasynda josparlanǧan ıs-şaralar turaly aityp öttı. Öz kezegınde, Mäjılıs deputattary Ünzila Şapaq, Nūrgül Tau jäne Jarqynbek Amantai Moŋǧoliia elınıŋ tumalary retınde Moŋǧoliiaǧa kelgenderıne quanyşty ekenın jäne parlamentaralyq bailanystarǧa öz ülesterın qosuǧa daiyn ekenderıne senım bıldırdı. Mälım etılgendei, qūryltai aiasynda Reseidegı qandastarmen de jüzdesu josparlanǧan. Mäselen, 8-9 şıldede Resei Federasiiasynyŋ Altai Respublikasyndaǧy qazaqtar mekendeitın Qosaǧaş audanynda jäne Altai ölkesı ortalyǧy Barnauldaǧy qandastarmen kezdesu ötıp, ruhani keş ūiymdastyrylady.

"Adyrna" ūlttyq portaly