Mūhtar Äbliazovke bırneşe jyl boiy tūryp jatqan Fransiiadan ketuge 30 kün berıldı. Būl turaly Äbliazov Facebook paraqşasynda jariialady, dep habarlaidy “Adyrna” ūlttyq portaly.
Jūma künı tüsten keiın men atqaruşy polisiiadan 30 kün ışınde Fransiiadan ketıp, menı qabyldauǧa daiyn elge baruym kerek degen būiryq aldym. Olar 2022 jylǧy 8 jeltoqsandaǧy sot şeşımıne süienıp otyr, - dedı Äbliazov.Ol 2020 jyldyŋ qyrküiegınde Fransiianyŋ oǧan saiasi baspana bergenın eske saldy. Alaida 2 jyldan keiın sot ony saiasi baspanasynan aiyrdy. Eks-bankir fransuz sotynyŋ şeşımınde saiasi astar bar ekenın jäne būl būryn-soŋdy qabyldanbaǧan şeşım ekenın aitty.
Būl jerde olar maǧan AQŞ siiaqty basqa elge nemese kez kelgen özge de körşı memleketke ketudı ūsyndy. Bıraq mende viza da, tölqūjat ta joq. Sondyqtan men eşqaida kete almaimyn. Mende sotqa şaǧymdanuǧa qūqyǧym bar jäne ony paidalanamyn, - dep qosty Äbliazov.Eske salaiyq, Äbliazovke qatysty Qazaqstanda jäne bırqatar basqa elderde qylmystyq ıster qozǧalǧan. Sondai-aq 2020 jyldyŋ jeltoqsan aiynda Mūhtar Äbliazov Reseide BTA bank ısı boiynşa syrttai 15 jylǧa bas bostandyǧynan aiyrylǧan. Resei soty Äbliazovtıŋ üş jyl ışınde – 2006-2009 jyldar aralyǧynda qol astyndaǧy qyzmetkerlerımen bırge bankten 58 milliard rubl, iaǧni 330,3 milliard teŋge ūrlaǧanyn anyqtady. Al Qazaqstanda bankir syrttai 20 jylǧa bas bostandyǧynan aiyrylǧan – 2017 jyly ol aqşa jymqyrǧany üşın kınälı bolatyn. 2022 jyldyŋ jeltoqsan aiynyŋ basynda Mūhtar Äbliazov Fransiiada bosqyn märtebesınen aiyrylǧany belgılı boldy. Būl rette fransuzdyq BAQ Äbliazovtyŋ Qazaqstanǧa ekstradisiialanuy mümkın ekenın jazǧan edı. 2023 jyldyŋ qaŋtarynda Qazaqstan Respublikasynyŋ Bas prokuraturasy qazırgı uaqytta Qazaqstan men Fransiia arasynda ekstradisiialau turaly kelısım jasalmaǧanyn tüsındırdı. Osy jyldyŋ mamyr aiynda Fransiianyŋ kassasiialyq soty Mūhtar Äbliazovke qatysty senımge qiianat jasau jäne aqşany jylystatu ısı boiynşa ıstı toqtatu turaly apelliasiialyq sot şeşımınıŋ küşın joiǧany habarlanǧan bolatyn.
Ūqsas jaŋalyqtar
