"Sözderıŋe jauap beresıŋder!" Qazaqstannyŋ būrynǧy diplomatyn Resei tergeuşılerı ızdeude

Resei Tergeu komitetınıŋ töraǧasy būrynǧy diplomat Meiram Qanapiianyŋ orystar jaily mälımdemesıne qatysty tekserudı ūiymdastyrudy tapsyrdy, dep habarlaidy "Adyrna" portaly.  «Äleumettık jelılerde Sankt-Peterburg tūrǧyndarynan Resei Federasiiasyna, atap aitqanda Sankt-Peterburgke baryp, Resei Federasiiasy men onyŋ azamattary turaly qoǧamda terıs pıkır aitqan Qazaqstannyŋ būrynǧy bas konsulyn jauapkerşılıkke tartudy sūraǧan ündeu tarap jatyr. Resei Federasiiasynyŋ Sankt-Peterburg qalasy boiynşa Tergeu komitetı O.V.Bobkov ūsynylǧan aqparat boiynşa prosessualdyq tekseru ūiymdastyryp, hattama ūsynudy tapsyrdy», - dep habarlady vedomstvonyŋ baspasöz qyzmetı. Būǧan deiın Qazaqstannyŋ būrynǧy bas konsuly Meiram Qanapiia äleumettık jelıde: "Qazaqstandaǧy orys azamattary, sızder elımızdıŋ tolyqqandy azamattary emessızder. "Orystyq erkındıkterıŋızge" az uaqyt qaldy. Sızderge endıgı jerde öz ısterıŋız ben sözderıŋızge jauap beruge tura keledı. Ökınışke qarai, sızderdıŋ uaqyttaryŋyz tym az. Öz taǧdyrlaryŋyzǧa jauap beru üşın qazaq tılın üirenıp te ülgermeisızder. Sankt-Peterburgte jastyq şaqty ötkızgen jerlerdı aralap, örkenietke saparlap qaitamyn. "Küiıp bıtken" rejimdı köremın...." degen bolatyn. Meiram Qanapiia Syrtqy ıster ministrlıgınde 1997-2009 jyldar aralyǧynda jūmys ıstegen. Äzırbaijanda attaşe (diplomatiialyq ökıl terminı - "Adyrna"), Reseidıŋ Sankt-Peterburg qalasynda bas konsul bolǧan. Būqaralyq aqparat qūraldarynyŋ habarlauynşa, ol ekı jyl būryn Ūltaralyq arazdyq tudyrǧany üşın QR QK-nıŋ 174-baby boiynşa ıstı bolǧan.