Sportshy, Májilis depýtaty Dáýlet Turlyhanovtyń uly Nurasyl Bolatty áskerı polıııa qyzmetkerleri áskerı bólimge ustap ákeldi, dep habarlaıdy "Adyrna" portaly.
«2023 jylǵy 3 shildede ishki ister organdary men áskerı polıııa qyzmetkerleri birlesip uıymdastyrǵan jedel-izdestirý is-sharalary barysynda buryn áskerı bólimnen ruqsatsyz qashyp ketken qatardaǵy merzimdi qyzmettegi B-nyń turǵan jeri anyqtaldy. Atalǵan fakti boıynsha qyzmettik tekseris júrgizilýde», - dep habarlady Qorǵanys mınıstrliginiń baspasóz qyzmeti.
Eske sala keteıik, buǵan deıin Turlyhanovtyń uly Nurasyl Bolattyń áskerı bólimnen qashyp ketkeni týraly habarlanǵan bolatyn. Keıin bul aqparatty Qorǵanys mınıstrligi resmı túrde rastady.
Quqyq qorǵaýshy Anna Chernova bolsa, áleýmettik jelide "Maǵan álginde ǵana Májilis depýtaty Dáýlet Turlyhanovtyń uly Nurasyl Bolattyń áskerı bólimnen qashyp ketkeni jaıly habar jetti. Ol bólimde bultartpaý sharasy boıynsha bólim bastyǵynyń baqylaýynda bolatyn", – dep jazǵan.
Onyń aıtýynsha, depýtattyń uly 2 shilde kúni bólimnen kólikpen shyǵyp ketken.
Esterińizge sala keteıik, 2023 jyldyń aqpan aıynyń ortasynda qazaqstandyq zańger Anna Chernova Almatyda kúıeýi ekeýin ataqty balýannyń balasy soqqyǵa jyqqanyn málimdedi. 10 naýryzda Qazaqstannyń Bas áskerı prokýratýrasy Dáýlet Turlyhanovtyń ulyna qatysty istiń mán-jaıyn aıtyp, sotqa deıingi tergep-tekserýdiń bastaǵanyn habarlaǵan edi.
