Búgin - Qazaqstannyń Dıplomatııalyq qyzmet kúni, dep habarlaıdy “Adyrna” ulttyq portaly.
1992 jyldyń 2 shildesinde Qazaqstannyń tuńǵysh prezıdenti Nursultan Nazarbaevtyń Jarlyǵymen elimizdiń Syrtqy ister mınıstrligi qurylǵan edi.
«QR Prezıdentiniń 1998 jylǵy 20 qańtardaǵy «Qazaqstan Respýblıkasyndaǵy kásibı jáne ózge de merekeler týraly» №3827 Jarlyǵyna tolyqtyrýlar engizý týraly» QR Prezıdentiniń 2009 jylǵy 1 shildedegi № 837 Jarlyǵymen kásibı jáne ózge de merekeler tizbesinde 2 shilde - Dıplomatııalyq qyzmet kúni dep tolyqtyrylǵan.
Eske salsaq, 2017 jyldyń 20 maýsymynda Memleket basshysy «Qazaqstan Respýblıkasynyń dıplomatııalyq qyzmeti týraly» Qazaqstan Respýblıkasynyń Zańyna ózgerister men tolyqtyrýlar engizý týraly» Qazaqstan Respýblıkasynyń Zańyna qol qoıdy.
Atalǵan zań dıplomatııalyq qyzmet organdarynyń tıimdiligin joǵarylatýǵa baǵyttalǵan. Qazaqstan barlyq BUU elderimen dıplomatııalyq qarym-qatynas ornatqan. 1992 jyly Birikken Ulttar Uıymyna múshe bolǵan soń, eń iri álemdik jáne aımaqtyq deńgeıdegi uıymdarǵa múshe atana bastady. Búginde Qazaqstan Eýrazııalyq ekonomıkalyq odaq, Shanhaı yntymaqtastyq uıymy, Islam yntymaqtastyq uıymy, Azııadaǵy ózara is-qımyl jáne senim sharalary keńesi jáne basqa da halyqaralyq uıymdardyń beldi múshesi. 2017-2018 jyldarǵa BUU-nyń Qaýipsizdik keńesine turaqty emes múshe bolyp saılandy. Atap aıtqanda Táýelsizdik jyldarynda Qazaqstan Respýblıkasyn dúnıejúziniń memleketeri tanydy. Osy oraıda, shetelderde Qazaqstannyń dıplomatııalyq jáne konsýldyq ókildikter jumys isteýde. Sáıkesinshe, Almaty men Astanada sheteldik elshilik pen mıssııa, halyqaralyq jáne ultaralyq uıymdardyń ondaǵan ókildigi jumys isteıdi.
