Elimizde múmkindigi shekteýli jandardyń kúndelikti júrip-turýyna kedergi keltiretin dúnıeler kóptigi jasyryn emes. Ásirese, azamattar jıi baratyn keı áleýmettik nysandar men em alý oryndaryna kirýdiń ózi mashaqat dersiń.
Bıyl sol olqylyqtardyń ornyn toltyrýǵa 1,7 mlrd teńge bólinipti. Qarjy nysandardy múmkindigi shekteýli jandarǵa yńǵaıly etip qaıta beıimdeýge jumsalady. Bul jóninde Eńbek jáne áleýmettik qorǵaý komıtetiniń tóraǵasy Tólegen Ospanqulovtyń ózi málimdegen.
Bul jumystar múmkindigi shekteýli azamattardyń quqyqtyq jáne ómir súrý sapasyn jaqsartýǵa baǵyttalǵan 2025 jylǵa deıingi Ulttyq jospar aıasynda júzege asyrylyp jatqan kórinedi.
Sandarǵa súıensek, búgingi tańda elimizde 22 myńnan astam nysan dál osylaı qaıta beıimdeýdi qajet etedi. Josparǵa saı jyl saıyn 4 myńnan astam nysan qaıta beıimdelip otyrady. Qazirge sheıin múmkindigi shekteýli jandar úshin 9 myńnan astam nysan qaıta beıimdelgen. Iaǵnı, arnaıy pandýstar, lıftter men dárethanalar salynyp, zaǵıp jandar úshin belgiler ilingen.
Sonymen qatar bıyl Astanada 150 oryndyq múmkindigi shekteýli jandarǵa arnalǵan ońaltý ortalyǵynyń qurylysy bastalady.
