Almaty qalasynda ornalasqan Zavod barynda qazaq tilinde jazylǵan mázir joq jáne logotıpterinde Keńes odaǵynyń (KSRO) belgisi beınelengen. Bul týraly “Adyrna” ulttyq partalyna oqyrman hat joldap, aıtyp berdi.
Oqyrmannyń aıtýynsha, barǵa barǵanda qazaq tildi mázirdi múlde kórmegen. Suraǵanynda “bizde tek orys jáne aǵylshyn tildi mázir bar” dep jaýap bergen.
“Adyrna” tilshisi oqyrmannyń hatyna qulaq asa otyra, meıramhana basshylyǵyna da saýal joldady.
Tilshiniń saýalyna atalǵan bardyń basshysy Rýslan Býkeev jaýap berdi. Aıtýynsha, bar 1 aı buryn ashylǵan. Aldaǵy ýaqytta qazaq tildi mázirdi de shyǵarmaq.
Biz “Event summer” dep atalatyn barlar jelisinen turamyz. Onyń Almatyda 8 shaǵyn bary bar. Onyń biri - osy Zavod bar. Tek osy barda ǵana KSRO-nyń kishkene belgisi beınelengen. Biz bul logotıpti qoıýymyzdyń sebebi, Qazaqstan tarıhy boıynsha, biz KSRO-dan bólinip shyqtyq. Jáne barǵa ata-analarymyz, Keńes Odaǵynyń kózin kórgender kelip, jastyq shaqtaryn eske alsyn degen nıette qoıdyq.
Al mázirge kelsek, biz 1 aı buryn ǵana ashyldyq. Qazir orys tilinde mázir bar. Óıtkeni, ol mázir áli synaqta. Eger ondaǵy taǵamdar maquldanyp ótse, tamyzǵa deıin qazaq tilinde mázir jasaımyz. Al bizde aǵylshyn tilinde mázir múlde joq, dep jaýap berdi bar basshysy.
