Almaty qalasynda ornalasqan Zavod barynda qazaq tılınde jazylǧan mäzır joq jäne logotipterınde Keŋes odaǧynyŋ (KSRO) belgısı beinelengen. Būl turaly “Adyrna” ūlttyq partalyna oqyrman hat joldap, aityp berdı.
Oqyrmannyŋ aituynşa, barǧa barǧanda qazaq tıldı mäzırdı mülde körmegen. Sūraǧanynda “bızde tek orys jäne aǧylşyn tıldı mäzır bar” dep jauap bergen.
“Adyrna” tılşısı oqyrmannyŋ hatyna qūlaq asa otyra, meiramhana basşylyǧyna da saual joldady.
Tılşınıŋ saualyna atalǧan bardyŋ basşysy Ruslan Bukeev jauap berdı. Aituynşa, bar 1 ai būryn aşylǧan. Aldaǧy uaqytta qazaq tıldı mäzırdı de şyǧarmaq.
Bız “Event summer” dep atalatyn barlar jelısınen tūramyz. Onyŋ Almatyda 8 şaǧyn bary bar. Onyŋ bırı - osy Zavod bar. Tek osy barda ǧana KSRO-nyŋ kışkene belgısı beinelengen. Bız būl logotiptı qoiuymyzdyŋ sebebı, Qazaqstan tarihy boiynşa, bız KSRO-dan bölınıp şyqtyq. Jäne barǧa ata-analarymyz, Keŋes Odaǧynyŋ közın körgender kelıp, jastyq şaqtaryn eske alsyn degen niette qoidyq.
Al mäzırge kelsek, bız 1 ai būryn ǧana aşyldyq. Qazır orys tılınde mäzır bar. Öitkenı, ol mäzır älı synaqta. Eger ondaǧy taǧamdar maqūldanyp ötse, tamyzǧa deiın qazaq tılınde mäzır jasaimyz. Al bızde aǧylşyn tılınde mäzır mülde joq, dep jauap berdı bar basşysy.
