Aısultan Seıitov #Followmeto jobasynyń avtorlarymen birge Qazaqstan jaıly eń ádemi vıdeo túsirdi
Aısultan Seıitov tanymal #Followmeto jobasynyń avtorlary Murat jáne Natalıa Osmannmen birge Qazaqstan týraly vıdeo túsirdi. Vıdeoda elimizdiń eń ádemi, kórikti jerleri kórsetilgen.
#Followmeto jobasynyń avtorlary Youtube saıtyndaǵy arnada Qazaqstannyń sulýlyǵyna, vıdeoǵa qatysty oılarymen bólisken.
"Qazaqstan, bul vıdeo sen jaıynda. Ne sezindik, ne kórsetkimiz keldi — barlyǵy óte ádemi el jaıly vıdeoda. Qazaqstanda biz keremet adamdardy kezdestirdik. Men olar osy vıdeony baǵalap, ony búkil álem kórýi úshin basqalarmen bólisedi dep úmittenemin. Myń sózdiń ornyna osy vıdeo", — dep jazǵan.
Esterińizge sala keteıik, Qazaqstannan shyqqan jas, daryndy rejısser Aısultan Seıitov óziniń sheberligimen álemdik deńgeıdegi juldyzdardy tańǵaldyryp, Gollıvýdty baǵyndyrǵan otandastarymyzdyń biri. Onyń qysqametrajdy "Shakal" atty fılmi Hollywood Boulevard Film Festival kınofestıvalinde bas júldeni ıelengen.
Seıitov rejıssýradaǵy alǵashqy jolyn Ǵalymjan Moldanazar, Ninety One syndy tanymal qazaqstandyq ánshiler men toptarǵa beınebaıan túsirýden bastaǵan. Jaqynda ol Offset, 21 Savage syndy álemdik deńgeıdegi rep juldyzdarymen tyǵyz jumys jasap, olarǵa beınebaıan túsirip berdi.
