«AMANAT» partııasy Buqaralyq aqparat quraldary qyzmetkerleri kúni qarsańynda jýrnalıster arasyndaǵy «AMANAT» – 2023 Medıa syılyǵy» respýblıkalyq baıqaýynyń qorytyndysyn jarııalady.
Búginde elimizdegi BAQ qyzmetkerlerin yntalandyrýǵa baǵyttalǵan bedeldi is-sharalardyń biri – «AMANAT» Medıa syılyǵy» osymen qatarynan on tórtinshi ret ótkizilip otyr. Osy ýaqyt aralyǵynda konkýrsty ótkizý tártibi men erejesi aıtarlyqtaı jetildirilip, atalymdar men arnaıy syılyqtar qatary tolyqty. Otandyq medıa salada qyzmet etip júrgen 150-den astam adam baıqaý jeńimpazy atanyp úlgerdi.
Bıyl baıqaýǵa 300-den asa adamnan 2 myń jumys kelip tústi. Onyń basym kópshiligin (60%) aımaqtaǵy aqparat salasynyń ókilderi joldady. Aıta keteıik, bıylǵy baıqaýǵa YouTube jobalar da qabyldandy. Osylaısha, 7 nomınaııa men 3 arnaıy syılyq boıynsha jeńimpazdar anyqtaldy.
Saltanatty rásimdi ashqan «AMANAT» partııasynyń Tóraǵasy Erlan Qoshanov aqparat quraldarynyń ókilderin kásibı merekemen quttyqtap, bul jýrnalısterdiń ǵana merekesi emes, halyqtyq meıram ekenin atap ótti.
«Qoǵam sapaly, shynaıy jáne tanymdyq dúnıelerdi oqyǵysy keledi. Mundaı aqparatty tek naqty derek pen dáıekke súıenetin jýrnalıst qana usyna alady. Ol – sózdiń qýaty men qadirin biletin, jaýapkershiligi joǵary, kásibine adal naǵyz maman. BAQ-tyń basty mıssııasy da – osy. Sizderdiń maqalalaryńyz ben sıýjetterińiz qoǵamdy udaıy alǵa jetelep otyratyn, el damýyna yqpal etetin qundylyqtardy dáripteıdi. Bul – patrıotızm, adal eńbek, beıbitshilik pen turaqtylyq, zań men tártip, bilimge qushtarlyq, týǵan jeri men tól mádenıetine degen súıispenshilik. «AMANAT» partııasynyń baıqaýy osyndaı jýrnalıstik jumystardy qoldaýǵa baǵyttalǵan», - dedi partııa Tóraǵasy.
Baıqaýda «Alash qozǵalysy boıynsha úzdik materıal» nomınaııasynda jeńimpaz atanǵan «Jetisý» telearnasynyń prodıýseri Gúljan Qyzaıbaeva repressııa taqyrybynda jasaǵan zertteý materıalynyń joǵary baǵalanǵanyna rızashylyǵyn jetkizdi.
«Arnamyzda «Arhıvtegi aqıqat» degen baǵdarlama bar. Onda arhıvterdi aqtaryp, kóp izdenispen jasalǵan zertteý materıaldary jaryq kóredi. Sol jumysymyzdy baıqaýǵa usynyp, ony qazylar alqasy júldege laıyq dep tanyǵan eken. Jalpy telearnada jalǵyz shaýyp báıge ala almaısyń. Sondyqtan bul «Jetisý» arnasyndaǵy barsha áriptesimniń jetistigi dep bilemin», - dedi ol.
Al «Eńbek adamy týraly úzdik materıal» nomınaııasyn jeńip alǵan Qoılybaı Asanov osy taqyrypta 30 jyldan astam ýaqyttan beri qalam terbep kele jatqanyn jetkizdi.
«Adal eńbek pen mańdaı ter egemen elimizdiń irgesin nyǵaıtyp, Táýelsizdigimdi baıandy etedi. Ózim qoıshynyń balasymyn. Sondyqtan bolar, eńbek adamynyń kisilik kelbetin, ónegeli ómir jolyn bir kisideı bilemin. Sol saryjaılaý, keń dalada erkin ǵumyr keshken, kóneniń kózin kórgen tulǵaly adamdardy nasıhattaý meniń qalamgerlik muratym dep oılaımyn. Eńbegimdi baǵalaǵan barshańyzǵa alǵysym sheksiz», - dedi Q.Asanov.
Sonymen, baıqaý komıssııanyń sheshimimen «AMANAT» – 2023 Medıa syılyǵynyń» jeńimpaz bolyp:
«Elimizdegi reformalar týraly úzdik materıal» nomınaııasy boıynsha «Astana Aqshamy» gazetiniń shef-redaktory Tólen Tileýbaı;
«Eńbek adamy týraly úzdik materıal» nomınaııasy boıynsha Qazaqstan Jýrnalıster odaǵynyń múshesi Qoılybaı Asanov;
«Aımaq týraly eń úzdik materıal» nomınaııasy boıynsha Qazaq radıosynyń júrgizýshi-redaktory Almıra Elimsarına jáne «Informburo.kz» portalynyń sholýshysy Oksana Trofımova;
«Rýhanı-mádenı damý týraly úzdik materıal» nomınaııasy boıynsha Shalqar radıosy, Almaty stýdııasynyń redaktor-júrgizýshisi Janar Orazymbetova;
«Jastar týraly úzdik materıal» nomınaııasy boıynsha «KTK» telearnasynyń redaktor-júrgizýshisi Áıgerim Asqarqyzy men «31 arna» jańalyqtar qyzmetiniń aımaqtaǵy tilshiler redaktory Aıdana Shibikeeva;
«Alash qozǵalysy boıynsha úzdik materıal» nomınaııasy boıynsha «Jetisý» telearnasynyń prodıýser-jýrnalısiGúljan Qyzaıbaeva;
«Azamattyq borysh týraly úzdik materıal» nomınaııasy boıynsha «NUR.KZ» aqparattyq portalynyń tilshisi Iýlııa Abramova jáne «Lıter» respýblıkalyq qoǵamdyq-saıası gazeti aqparat bóliminiń meńgerýshisi Temirlan Quspaev marapattaldy.
Al Maǵjan Jumabaev atyndaǵy «Sóz zergeri» syılyǵy «Egemen Qazaqstan» gazetiniń Aqmola oblysyndaǵy menshikti tilshisi Baıqal Baıádilge buıyrdy.
Sherhan Murtaza jáne Kamal Smaıylov atyndaǵy «Televızııa úzdigi» syılyǵyn «Jibek joly» telearnasynyń baǵdarlama avtory-júrgizýshisi Janar Baısemiz ben «Astana» telearnasynyń Qostanaıdaǵy menshikti tilshisi Zańǵar Sanaı ıelendi.
«Belsendi azamattyq ustanymy úshin» syılyǵyn «Qasqa Jol» YouTube arnasynyń avtor-júrgizýshisi Abaı Tlenshıev jáne «Turkistan Media Holding» JShS-nyń basqarýshy dırektory Telman Beısenov aldy.
