Otbasyǵa osy ýaqytqa deıin áleýmettik kómek kórsetilip kelgen, al úıdiń kenjesin Balalar úıine jibermek bolypty
Shyǵys Qazaqstan oblysynda Semeı qalasyna jaqyn jerdegi Sýyqbulaq aýylynda jantúrshigerlik órtten eki bala qaza tapty. Oqıǵanyń mán-jaıy tergelip jatyr.
"Qazir órttiń bastapqy sebepteri qarastyrylyp jatyr: otty paıdalanýda qaýipsizdik erejesin saqtamaý, balalardyń tentektigi nemese ádeıi órt qoıý", - dep habarlady tótenshe jaǵdaılar basqarmasynyń basshysy Qanat Ábdilov.
Semeı ákimi Ermak Sálimov balalardyń qazasy týraly habar shyqqan boıda oqıǵa ornyna attanyp, anyq-qanyǵyn bildi.
"Qala ákimdiginiń málimetinshe, balalardyń anasy - 28 jastaǵy kelinshek qazir jumyssyz, aıaǵy aýyr eken. Órt bolǵan kúni esikti qulyptap, dárigerge qaralýǵa ketken. Qyryq alty jastaǵy otaǵasy Nur-Sultan qalasynda qurylysshy bolyp isteıdi, qaıǵyly oqıǵa kezinde Semeıde bolmaǵan", - dep málimet berdi Sálimov.
Otbasyǵa ákimdik járdem kórsetken
Qala ákimdiginiń málimetinshe, otbasy áleýmettik tólem alýǵa ótinish bermegen, jumyssyz retinde de tirkelmepti. Alaıda otbasynyń qıyndyqqa tap bolǵanyn ákimdik bilip, barynsha járdem kórsetýge tyrysqan.
"Shaǵyn aýdan №48 orta mektepke qaraıdy. Mektep qyzmetkerleri jylyna tórt ret úı-úıdi aralaıdy. Qyrkúıek, qarasha jáne qańtarda ata-anaǵa balalardy qoǵamǵa beıimdep, mektepke daıarlaý kerektigi túsindirildi. Reıdterdiń birinde úlken uly ákesimen birge elordada ekeni belgili boldy, al kenjesi bóten adamdardyń qolynda turǵan eken"- dedi Sálimov.
Balalar turyp jatqan sanıtarlyq-turmystyq jaǵdaıdyń tómendigine baılanysty, úıdiń kenjesi Balalar úıine jiberilýi tıis edi. Alaıda anasynyń aryzy men polıııa organdarynyń ótinishine baılanysty balany otbasyǵa qaıtarypty.
"Otbasy turatyn mekenjaı "Jolaman" otbasylyq dárigerlik ambýlatorııasynyń ýchaskesine kiredi. Mekeme otbasyǵa únemi medıınalyq aqyl-keńes berip, dárigerler balalardy ýaqytyly qarap otyrǵan. "Salamatty ana men bala" aılyǵynyń aıasynda otbasy kópbalaly bolmasa da, tıisti medıınalyq kómek aldy", - dep atap ótti ákim.
Marqum balalardyń anasy daǵdarys ortalyǵynda
Shyǵys Qazaqstan oblysy ákiminiń orynbasary Ásem Núsipova aıtqandaı, júkti áıeldi daǵdarys ortalyǵyna ornalastyrdy. Qazir psıhologtar kómektesip jatyr.
Jergilikti bılik ókilderi otaǵasymen de kezdesipti, ol qazir Semeıde týystarynyń úıinde turyp jatyr. Qala ákimdigi balalardy jerleý rásimin uıymdastyrýdy moınyna aldy.
Naryn Qalı
