Azamat Beket Aqtóbe qalasynyń jańa ákimi bolyp taǵaıyndaldy, - dep habarlaıdy "Adyrna" tilshisi oblys ákimdigine silteme jasap.
"Qazaqstan Respýblıkasy Prezıdenti Ákimshiliginiń jáne Aqtóbe qalalyq máslıhatynyń kelisimi boıynsha Aqtóbe oblysynyń ákimi Eraly Toǵjanovtyń ókimimen Azamat Baýyrjanuly Beket Aqtóbe qalasynyń ákimi laýazymyna taǵaıyndaldy", - delingen habarlamada.
Azamat Beket - Qazaq gýmanıtarlyq-zań ýnıversıtetiniń jáne Ekonomıka jáne quqyq akademııasynyń túlegi.
2016 – 2018 jyldary Batys Qazaqstan, Atyraý oblystarynyń dene shynyqtyrý jáne sport basqarmasynyń basshysy laýazymdarynda qyzmet atqarǵan.
2018 – 2020 jyldary Atyraý oblysy Jylyoı aýdanynyń ákimi bolyp eńbek etken.
2020 – 2021 jyldary Aqtóbe qalasy ákiminiń orynbasary qyzmetin atqarǵan.
2021 jyldyń aqpan aıynan Aqtóbe oblysynyń Hromtaý aýdanynyń ákimi laýazymyn atqaryp keldi.
