Memleket basshysy Qaýipsizdik Keńesiniń kezekten tys otyrysyn ótkizip, Reseıde bolǵan jaǵdaılarǵa baılanysty bergen tapsyrmalardyń esebin pysyqtady. Eldegi mundaı bolýy yqtımal "qaterli ótkelderge" daıyn bolýdy tapsyrdy, dep habarlaıdy "Adyrna" ulttyq portaly.
Qazaqstan Respýblıkasy Prezıdentiniń Baspasóz qyzmetiniń habarlaýynsha, jıyn barysynda Memleket basshysy Reseı Federaııasyndaǵy jaǵdaıǵa baılanysty bergen tapsyrmalaryn oryndaý qaramdary týraly Premer-mınıstrdiń, Bas prokýrordyń, Ulttyq qaýipsizdik komıteti tóraǵasynyń, Qorǵanys, Ishki ister jáne Syrtqy ister mınıstrleriniń baıandamalaryn tyńdady.
Bul oqıǵa Reseıdiń ishki máselesi ekenine qaramastan, atalǵan jaǵdaıǵa elimizdiń azamattary alańdaýshylyq tanytqanyn, Qazaqstan men Reseı arasyn álemdegi eń uzyn shekara bólip jatqanyn, Reseı Qazaqstannyń strategııalyq seriktesi ekenin atap ótti.
Qasym-Jomart Toqaev Vladımır Pýtınmen telefon arqyly sóılesý barysynda Reseı bıliginiń konstıtýııalyq tártipti ornatý jáne óz azamattarynyń qaýipsizdigin qamtamasyz etý jónindegi sharalaryn qoldaǵanyn eske saldy. Memleket basshysy áskerı is-qımyldardy toqtatý jónindegi kelisimdi quptady. Prezıdent kez kelgen memlekettiń ishki saıasatynda, sonyń ishinde Qazaqstanda da, qoǵamdyq tártip pen eldiń áleýmettik-ekonomıkalyq damýyn qamtamasyz etýdiń negizi retinde zań ústemdigi qaǵıdaty basty basymdyq bolýǵa tıis ekenin aıtty.
Jıynda elimizdiń qarjy-ekonomıkalyq turaqtylyǵyn jáne azamattardyń qaýipsizdigin qamtamasyz etý qajet ekeni atap ótildi. Prezıdent barlyq vedomstvo basshylaryna daǵdarys jaǵdaıyndaǵy yqtımal qaterlerge qarsy áreket etýge daıyn bolýdy tapsyrdy.
Qaýipsizdik keńesi otyrysynyń qorytyndysy boıynsha Memleket basshysy Úkimet ázirlegen shuǵyl is-qımyl josparyn maquldady.
"Adyrna" ulttyq portaly
