Naýryzdyń 31-i kúni Ýkraınada prezıdent saılaýy bastaldy. Ortalyq saılaý komıssııasy prezıdenttikten úmitker 39 azamatty tirkegen. Bul - buryn-sońdy bolmaǵan joǵary kórsetkish. Reseıde saılaý ýchaskeleri bolmaǵandyqtan eki oblys turǵyndary Nur-Sultanǵa baryp, daýys beredi.
Ýkraınanyń ishki ister mınıstri Arsen Avakov buǵan deıin Kıevke qaraıtyn saılaý ýchaskelerin 130 myńnan astam polıııa qyzmetkeri kúzetetinin habarlaǵan.
Ýkraınanyń ortalyq saılaý komıssııasy 17 el jáne 19 halyqaralyq uıymnan kelgen shamamen 2400 halyqaralyq baqylaýshyny tirkegen. Biraq olardyń arasynda Reseı azamattary joq. Joǵary rada buǵan deıin Reseıdi "agressor memleket" retinde tanyp, saılaýdy baqylaý múmkindiginen aıyrǵan.
QAZAQSTANDAǴY SAILAÝ ÝChASKESI
Buǵan deıin Kıev Reseıde saılaý ýchaskeleri de bolmaıtynyn habarlaǵan.
Sol sebepti Reseıdiń eki oblysy Novosibir jáne Sverdlov oblysynyń turǵyndary Qazaqstan astanasy Nur-Sultan qalasyndaǵy Ýkraına elshiliginde daýys beredi.
"Reseı aýmaǵynda saılaý ýchaskesi bolmaǵandyqtan ondaǵy Novosıbırski jáne Sverdlov oblysy da bizdiń ýchaskege qosylǵan" dedi Nur-Sultan qalasyndaǵy saılaý ýchaskesiniń tóraǵasy Vıtalıı Loktev 31 naýryzda Azattyq tilshisine.
Onyń aıtýynsha, daýys berýge quqyǵy bar Qazaqstan boıynsha - myńnan astam adam, al Reseı boıynsha úsh myńnan astam adam tirkelgen. Túski saǵat 11-ge deıin 33 adam daýys bergen. Bul - Qazaqstan boıynsha jumys istep jatqan jalǵyz saılaý ýchaskesi. Búgin ol jaqqa kelgen azamattar arasynda Almaty, Semeı, Petropavldan kelgender bolǵan.
Reseı 2014 jyly Ýkraına quramyndaǵy Qyrym túbegin anneksııalap alǵannan keıin eki el arasyndaǵy jaǵdaı kúrt nasharlaǵan. Sol jyly sáýirde Donek men Lýgansk oblystarynda reseıshil separatıster men Ýkraına áskeri arasynda soǵys bastalǵan. Qaqtyǵystardan 10 myńnan astam adam qaza tapqan. Kıev Máskeýdi reseıshil separatısterdi qoldap otyr dep aıyptaıdy. Biraq Máskeý ony joqqa shyǵarady. 2015 jyly aqpanda Mınskide qaqtyǵysty toqtatý jóninde kelisim jasalǵanymen, ol áli kúnge tolyq oryndalmaı keledi.
Ýkraınadaǵy prezıdent saılaýyna túsetin jalpy kandıdattar sany – 39. Olardyń arasynda shoýmen Vladımır Zelenskıı, qazirgi prezıdent Petr Poroshenko men oppozıııalyq "Batkıvına" partııasynyń lıderi Iýlııa Tımoshenko bar.
Áleýmettik zertteý halyqtyń kandıdattar arasynda akter Vladımır Zelenskııdi kóbirek qoldaıtynyn (20,3%) kórsetken. Odan keıin "Batkıvına" partııasynyń jetekshisi, burynǵy premer-mınıstr Iýlııa Tımoshenko (13,9%), qazirgi prezıdent Petr Poroshenko (13,1%) tur.
Eger úmitkerlerdiń eshqaısysy saılaýshylardyń 50 paıyzdan astam daýysyna ıe bola almasa, onda saılaýdyń ekinshi kezeńi ótedi. Oǵan alǵashqy kezeńde kóbirek daýys jınaǵan eki kandıdat qatysady. Saıasattanýshylar saılaýdyń ekinshi kezeńi ótýi múmkin dep sanaıdy.
Osymen Ýkraınada jetinshi ret prezıdent saılaýy ótip jatyr.
"Azattyq" radıosy
