Germaniia prezidentı Frank-Valter Ştainmaier Qazaqstan azamattary üşın viza talaptaryn jeŋıldetu mäselesıne qatysty pıkır aitty, dep habarlaidy "Adyrna" ūlttyq portaly.
Prezidenttıŋ aituynşa, Qazaqstan azamattarynyŋ Germaniiaǧa baruyn jäne Germaniia azamattarynyŋ Qazaqstanǧa keluın anaǧūrlym jeŋıldetetın mümkındıkterdı qarastyruǧa Germaniia jaǧy da müddelı. Al viza mäselesı Euroodaq töŋıregınde qarastyrylatyn bolady.
"Būl öte maŋyzdy aspekt. Qazaqstan azamattarynyŋ Germaniiaǧa keluın jäne Germaniia azamattarynyŋ Qazaqstanǧa baruyn anaǧūrlym jeŋıldetetın mümkındıkterdı qarastyruǧa bız de müddelımız. Özıŋızge mälım, viza mäselesı Europalyq Odaq deŋgeiınde, europalyq qūrylymdar deŋgeiınde qarastyrylady. Sondyqtan bız atalmyş mäsele boiynşa EO ūstanymyn qūptaimyz", - dep qysqa qaiyrdy Germaniia prezidentı Frank-Valter Ştainmaier.
"Adyrna" ūlttyq portaly
Ūqsas jaŋalyqtar
