AQŞ-tyŋ Ukrainadaǧy soǧysty toqtatuǧa qatysty naqty, resmi josparynyŋ bolmauy europalyq saiasatkerlerdıŋ alaŋdauşylyǧyn tudyryp otyr, dep habarlaidy “Adyrna” ūlttyq portaly Reuters agenttıgıne sıltep.
Agenttık mälımetınşe, Tramp äkımşılıgınıŋ ökılderımen kezdeskennen keiın europalyq saiasatkerler AQŞ-tyŋ būl mäselede naqty strategiiasy joq degen qorytyndyǧa kelgen. Olar Aq üiden bır-bırıne qaişy mälımdemeler estıp otyrǧanyn, būl ortaq jospardyŋ joqtyǧyn körsetetının atap öttı.
Ukraina prezidentı Vladimir Zelenskii de Tramp äkımşılıgınıŋ resmi josparynyŋ joqtyǧyn rastady. Ol qazırgı uaqytta tek beiresmi ūsynystar men jariialanymdar bar ekenın, bıraq resmi kelıssözder men naqty nätijelerdıŋ älı de kütılıp otyrǧanyn mälımdedı .
AQŞ-tyŋ ūlttyq qauıpsızdık jönındegı keŋesşısı Maikl Uolts NBC telearnasyna bergen sūhbatynda, jaqynda AQŞ-tyŋ joǧary lauazymdy ökılderı Europaǧa baryp, Ukrainadaǧy qaqtyǧysty retteu boiynşa kelıssözder ötkızetının mälımdedı. Degenmen, naqty josparlar men kelısımder turaly aqparat älı jariialanǧan joq .
Europa elderı de öz tarapynan türlı ūsynystar men bastamalardy qarastyruda. Mysaly, Fransiia men Polşa Ukrainaǧa 40 myŋ jasaqtan tūratyn bıtımgerlık küşterın engızudı oilastyruda. Būl bastamaǧa Mäskeu üzıldı-kesıldı qarsylyq tanytyp otyr.
Ūqsas jaŋalyqtar
