Äleumettık jelıde osy ıske bailanysty är türlı pıkır aityldy. Azamattardyŋ bır bölıgı «Arlan»jasaǧynyŋ ısıne täntı bolsa, ekınşı tarap mūny qoiylym dep baǧalady. Şyn mänınde Kaspi bank ǧimaratyndaǧy būl oqiǧa qoiylym ba, joq älde şyn ba? Osy jäne özge de sūraqtardy ışkı ıster ministrı Marat Ahmetjanovtyŋ özıne qoidyq.
– Kaspi banktegı oqiǧaǧa bailanysty ministrlıktıŋ baspasöz qyzmetınen būryn telegramda aqparat taratyldy. Būǧan bailanysty tekserıs jürgızesız be?
– Arnaiy operasiiaǧa ışkı ıster ministrlıgınen basqa da organdar qatysty. Naqtyraq aitsam,prokuratura men Ūlttyq qauıpsızdık komitetı jäne äkımşılıktıŋ adamdary boldy. Eger qandai da bır aqparat şyqqan bolsa, qyzmettık tekserıs jürgızıletın bolady.
– Ministr myrzanyŋ özınıŋ kelıssöz jürgızuıŋızge ne sebep boldy?
– Men qazır sızderge män-jaidy tolyq aita almaimyn dep otyrmyn ǧoi. Öitkenı tergeu jürıp jatyr. Kezdesuın kezdestım, endı şaqyryp...
– Sızdı şaqyrdy ma?
– Joq, aldyn-ala özım telefonmen söilestım. Sosyn kırıp kepıldıkke alǧan azamatşany bosatudy sūradym. Öitkenı ol apasymen söilestı. Oǧan könbegen soŋ arnaiy jasaqtardyŋ jūmysy bastaldy.
– Qoǧamda keşegı ıske bailanysty «qoiylym» dep senbeuşılık bar. Būl şynynda qoiylym ba?
– Ondai äŋgıme joq. Ol ötırık jalǧan äŋgıme. Öitkenı imidjdı ondai «qoiylymdar» emes, basqa jūmystar köteredı.
– Sızdıŋ kelıssöz jürgızuıŋızge ne sebep boldy? Işkı ıster ministrlıgınde sızden basqa adam joq pa?
– Kelıssözde menen de basqa adamdar boldy ǧoi. Menıŋ orynbasarlarym boldy. Kelıssöz jürgızgen adamdar boldy ışınde.
– Özıŋızdı kepıldıkke alady dep oilaǧan joqsyz ba?
– Joq özım aittym, kepılge alǧan adamdy bosatyp,özım qalaiyn dep. Bıraq oǧan könbedı.
– Üstıŋızde bronejilet boldy ma?
– Ol bronejiletpen kırgızbedı.
– Küdıktınıŋ qandai talaby boldy?
– Onyŋ talaby är türlı boldy. Qazır men barlyq aqparatty aita almaimyn. Öitkenı qazır tergeu jūmystary jürıp jatyr.
– Küdıktı būǧan deiın qandai baptarmen sottalǧan?
– Bıreuı – ūrlyq, bıreuı alaiaqtyq.
– Ǧimaratqa ekı saǧatqa jeter jetpes uaqytta basyp kırdıŋızder. Būl az uaqyt emes pe? Nege qaterge bas tıktıŋızder? Kepıldegı adamdardyatyp tastauy mümkın edı ǧoi?
– Onymen kelıssöz jürgızdı ǧoi. Ǧimaratta kepılge alynǧan bızdıŋ azamattar bolǧasyn olardyŋ da qauıpsızdıgın jan-jaqty qarau kerek qoi. Men endı bükıl qūpiiany aşpai-aq qoiaiyn. Qazır tergeu jürıp jatyr, tergeu aiaqtalǧan kezde nemese prokurordyŋ rūqsatymen kelesı mälımetterdı alasyzdar.
– Ekı saǧatta ǧimaratqa basyp kıru qanşalyqty dūrys boldy. Bıreu qaza tapqan jaǧdaida sızderdıŋ qyzmetterıŋızge syn bolmas pa edı?
– Mūny tergeu barysy anyqtaidy. Dūrys boldy, būrys boldy ma degen sūraqty tekserıp, şeşım qabyldaidy.
– Sızdı eşkım şaqyrmasa da onymen kezdesuge nege bardyŋyz?
– Men onymen telefonmen söilestım. Öz erkımen berıletın bolsa (jazasyn jeŋıldetuge kepıldık bereiın dep bardym). Öitkenı 261 bapta «Eger kepıldıkke alǧan azamattardy öz erkımen bosatatyn bolsa, ol qylmystyq jauapkerşılıkten bosatuy da mümkın» degen qosymşa jazylǧan. Sonyŋ bärın tüsındırıp, aşuyn basuǧa tyrystym. Bızdıŋ qoldanǧan qūraldardyŋ eşqandai qauıpı joq. Ol tek qylmyskerdıŋ köŋılın audaru üşın jasalǧan. Jalpy 10-12 sekundtyŋ ışınde bükıl operasiia bıttı.
Serık Joldasbai
«Adyrna» ūlttyq portaly
