Әлемге танымал қазақ әншісі Димаш Құдайбергеннің атасы дүниеден өтті, деп хабарлайды "Адырна" ұлттық порталы.
Қазақты күллі әлемге танытқан Димаштың атасы, қадірлі ақсақалымыз Құдайберген аға дүниеден озды. Алла алдынан жарылқағай. Қанат Айтбаев, Света Айтбаева, мықты болыңыздар, - деп жазды журналист Бауыржан Бабажанұлы.
Айта кетейік, Димаш атасы Құдайберген Айтбаевтың қолында өскен. Ата-әжесі Құдайберген Айтбаев пен Миуаз Низамутдинова осыдан бес жыл бұрын отасқандарына 50 жылдық "алтын тойын" тойлаған еді.
Димаштың әжесі, Миуа Низамутдинова Димаштың атасына тартқандығын айтып, былай дейді:
«Көзінің үлкендігі, шашының қалыңдығы... Атасына ұқсаған тұсы көп. Атасы да жас күнінде осындай болды. Маған да ұқсайтын жерлері бар. Мәселен, маған қаралығы тартқан», - деп жауап берді.
Еске сала кетейік, 2019 жылдың желтоқсанында танымал әнші Димаштың атасы Құдайберген Айтбаевқа «Ерен еңбегі үшін» медалі берілді.
"Адырна" ұлттық порталы
