Soltüstık Qazaqstan oblysynda jantürşıgerlık jol apaty bolyp, 5 adam qaza tapty, dep habarlaidy «Adyrna» tılşısı Polisia.kz-ke sılteme jasap.
«16 mausymda saǧat 07: 55-te SQO Taiynşa audany Aimaq auylynyŋ maŋyndaǧy Kökşetau-Omby avtojolynyŋ 53 şaqyrymynda Lexus jäne "VAZ-2104" avtomaşinalarynyŋ soqtyǧysuy boldy. Aldyn ala boljam boiynşa, Lexus avtomaşinasy Kökşetau qalasynan kele jatyp qarsy jol jolaǧyna şyǧyp ketken»,—delıngen habarlamada.Apat saldarynan 7 adam zardap şektı: 5 adam oqiǧa ornynda qaitys boldy, onyŋ ışınde 2 avtokölıktıŋ jürgızuşılerı. Qalǧan zardap şekkender medisinalyq kömek körsetu üşın Kökşetau qalasyndaǧy auruhanaǧa jetkızıldı. Jürgızuşılerden medisinalyq kuälandyru jürgızu üşın qan alyndy. Jol apaty deregı Qylmystyq kodekstıŋ 345-babynyŋ 4-bölıgı boiynşa "Kölık qūraldaryn basqaratyn adamdardyŋ jol jürısı nemese kölık qūraldaryn paidalanu qaǧidalaryn būzuy abaisyzda ekı nemese odan da köp adamnyŋ ölımıne äkep soqqan ıs-äreket "boiynşa sotaldy tergep-tekserulerdıŋ bıryŋǧai tızılımınde tırkelgen. Qajettı saraptamalar taǧaiyndaldy.
Ūqsas jaŋalyqtar
